Elementos (libro)
| Elementos Στοιχεῖα | ||||||
|---|---|---|---|---|---|---|
| ||||||
|
La Elementos (elinica antica: Στοιχεῖα, stoiceia) es un tese matematical formida par 13 libros atribuida a la matematiciste elinica antica Euclide, ci ia scrive lo en Alexandria, en la Egipte de Ptolemeo, en 300 aec. Lo es un colie de definis, axiomes, proposas (teoremes e construidas) e probas matematical de proposas. La libro parla sur jeometria euclidal plata e solida, teoria de numeros fundal e linias noncomesurable. Lo es la tese plu vea tratante matematica de forma deduinte. Lo es xef en la developa de lojica e siensa moderna, e sua cualia no ia es esededa asta la sentenio 19.
An si lo es un labora de jeometria, la libro inclui resultas cual oji ta es clasida en la teoria de numeros. Euclide deside descrive la resultas en teoria de numeros a en la jeometria car no ia pote developa un aprosimi construinte a la aritmetica.
La contenidas de la libros es:
- Libros 1 a 4 parla sur jeometria plata
- Libros 5 a 10 parla sua proportios
- Libros 11 a 13 parla sur jeometria de corpos solida.