Rea Elizabeth e sua sposo Philip, 1950
Rea Elizabeth en 2007
La scermo de eraldia de la Rena Unida, 1952

Elizabeth 2 (Elizabeth Alexandra Mary Windsor, 21 april 1926) es la rea de la Rena Unida e otra nasiones de la Comunia de Nasiones.

Elizabeth ia nase en London, la prima enfante de la Duxe e Duxesa de York (plu tarda re George 6 e rea Elizabeth). El ia es educada privata a casa. Sua padre ia asede a la trono cuando sua frate, re Edward 8, ia renunsia la trono en 1936, de cuando Elizabeth ia es la eritor legal. El ia comensa prende cargas publica en la Gera Mundal 2, servinte en la Servis Teritorial Aidante. En 1947, el ia sposi prinse Philip, la duxe de Edinburgh, un prinse pasada de Elas e Danmarc, con ci el ia ave cuatro enfantes: Charles, prinse de Wales (Cimri); Anne, prinses real; prinse Andrew, duxe de York; e prinse Edward, conte de Wessex.

Cuando sua padre ia mori en febrero 1952, Elizabeth ia deveni la xef de la Comunia e rea renante de 7 nasiones autonom de la Comunia: la Rena Unida, Canada, Australia, Zeland Nova, Sudafrica, Pacistan, e Srilanca. El ia rena como un monarca constitual tra cambias political major, como un devolui en la Rena Unida, parti canadian, e la descoloni de Africa. Entre 1956 e 1992, la cuantia de sua renas ia varia cuando teritorios ia gania autonomia, e cuando renas, incluinte Sudafrica, Pacistan, e Srilanca ia deveni republicas. Sua multe visitas e encontras istorial, incluinte un visita de stato a la Republica de Er e visitas a o de 5 papes. Avenis sinifiante ia inclui sua coroni en 1953 e la selebras de sua selebras arjento, oro, e diamante en 1977, 2002, e 2012, en acel ordina. En 2017, el ia deveni la monarca brites prima per ateni sua selebra safir. El es la monarca brites ci ia rena e vive la plu longa, e la xef fema de stato ci ia servi la plu longa, la monarca ci ia vive la plu longa, la monarca corente ci ia rena la plu longa, e la xef de stato ci ia servi la plu longa.

Elizabeth ia fasa a veses sentis republiciste (pe contra la monarcia) e critica de jornalistes de la familia real, spesial pos la rompe de la sposis de sua enfantes, sua annus hobbibilis ("anio asustante") en 1992 e la mori en 1997 de Diana prinsesa de Wales (Cimri) e sua fia par sposi pasada. Ma en la Rena Unida, suporta per la monarcia ia es e resta coerente alta, como ance sua popularia personal.