Rena Unida

un pais en Europa
Rena Unida
United Kingdom
Informa jeneral
Capital: London
Lingua ofisial: Engles
Dirije
Governa: Monarcia constitual parlamental
- Xef de stato: Charles 3
- Xef de governa: Rishi Sunak
Otras
Area: 242 495 km²
Popla: 65 110 000
Densia: 255,6/km2
PIB: 2 549 000 milion
Mone: Paund
Zona de ora: GMT (UTC +0)
Numero de telefon: +44
Interede: .uk e .gb

La Rena Unida de Britan Grande e Er Norde es un pais en Europa, composada de England, Scotland, Cimri e Er Norde. Sua area es sirca 244 820 cilometres cuadrida e, en la anio 2006, lo ia ave sirca 60 609 153 persones.

La site capital es London.

La major linguas es engles, cimrica, e gelica.

La Rena Unida es un monarcia constitual con un sistem parlamental de governa. Sua site capital e la plu grande es London, un site global e sentro finansial con popla urban de 10 310 000 persones – numero cuatro de la poplas la plu grande de Europa. el monarca presente (de 8 Setembre 2022) es Re Charles III.

La Rena Unida es vera un uni de cuatro paises, de cual cada ave alga autonomia: England, Cimri (nomida "Wales" en engles), Scotland e Er Norde. La isolas prosima Man, Gernsi e Jersi no parteni a la Rena Unida, ma es dependes de la corona, e la governa brites es encargada per defende los e representa internasional los.

Simboles edita

La bandera de la Rena Unida es nomida la Union Jack o Union Flag. Lo ia es creada en 1606 de la banderas de England e Scotia, e ia es cambiada en 1801 par ajunta la Bandera de San Patricio. Cimri no es representada en la bandera, car esta pais ia es concistada per England ante la crea de la Rena Unida. La imno nasional es "God Save the King" (Dio ta salva la re), con la parola "Re" cambiada a "Rea" cuando la monarca es un fem.

Governa edita

La Rena Unida es un monarcia constitual. Rea Charles III es la xef de stato de la Rena Unida, e ance la monarca de des-sinco otra paises autonom de la Comunia Brites. La monarca "ave la direto de es consultada, la direto de coraji e la direto de averti". La Constituida de la Rena Unida es noncodigida e es formida par un colie de fontes scriveda diferente. La Parlamento pote fa "reformis constitual" par aseta Atas de la Parlamento, e en esta modo lo ave la potia political de cambia o aboli cuasi cualce elemento scriveda o nonscriveda de la constitui. An tal, la Parlamento no pote aseta lejes cual un Parlamento futur no ta pote cambia.