Erinaseomorfo
La Erinaseomorfo es un ordina de mamales con sola un familia - la erinasido o eriso. Lo ave du sufamilias: la erinasino de Eurasia e Africa, e la galerisino de Asia sude-este.
.jpg)
On ave 17 spesies de eriso en sinco jenera, trovable en partes de Europa, Asia, Africa. Los ia es introduida a la Americas, Australia, e Zeland Nova. Erisos es distante relatada a musaranias (ordina Soriside) e no ia cambia multe tra 15 milion anios. Como multe mamales antica, los es insetivores e noturnas.
On pote reconose erisos par sua spinos, cual es capilas vacua durida par ceratin. La spinos no es venenosa e no ave spinetas. No como la porcospina, la spinas no pote es fasil estraeda. Erisos perde sua spinos de enfantia e sustitui spinos de adultia. Ance, si un eriso es malada o stresada, el pote perde alga de sua spinos. La dorso de la eriso ave du musculos grande, cual controla la posa de la spinos. On ave entre 5000 e 6500 spinos sur la eriso promedia, e el usa los per proteje se mesma. En situas estrema, la eriso retrae sua testo, pedes, e adomen su sua pel spinosa, e pare como un bal de spinos.