Espaniol (gramatica)

La gramatica de espaniol es un corpo de regulas cual descrive la strutur de espresas en espaniol, cual es un lingua romanica cual ia orijina en la norde de Espania e cual oji es parlada en Espania, America e Gine Ecuatoral.

Espaniol es un lingua infletada. La verbos es potensial marcada per tempo, aspeta, modo, person e numero (resultante en alga sincodes formas conjugada per verbo). La nomes ave un sistem de du jeneros e es marcada per numero. La pronomes pote es infletada per person, numero, jenero (incluinte un neutra restante) e un caso multe reduida.

Espaniol es la prima lingua demotica european cual ia ave un tese gramatical, la Gramática de la lengua castellana, scriveda en 1492 par Antonio de Nebrija e presentada a la rea Isabel de Castelia en Salamanca.

La Real Academia Española (RAE, Academia Real Espaniol) determina la regulas e la ortografia de la lingua.

Morfolojia

Determinantes

Espaniol usa la determinantes de un forma simil a lingua franca nova. La difere xef es ce los es infletada per ambos numero (singular/plural) e jenero (masin/femin). Determinantes comun include el ("la"), un ("un"), este ("esta"), mucho ("multe"), alguno ("alga") etc.

Articles

La article de defini (la en lfn) ave formas masin, femin, singular e plural. Ance la article de nondefini (un en lfn) ave formas masin e femin en singular e plural.

ARTICLES	Defini		Nondefini
	Singular	Plural	Singular	Plural
Mas	el	los	un	unos
Fema	la	las	una	unas
Neutra	lo	—	—	—

Determinantes de mostra

Espaniol ave tre tipos de determinantes de mostra.

DETERMINANTES DE MOSTRA	Prosima	Distantia medial	Distante
Mas singular	este	ese	aquel
Mas plural	estos	esos	aquellos
Fema singular	esta	esa	aquella
Fema plural	estas	esas	aquellas

Determinantes de posese

DETERMINANTES DE POSESE	persona un singular (posesor)	persona du singular (posesor)	persona tre singular (posesor)	persona un plural (posesor)	persona du plural (posesor)	persona tre plural (posesor)
Mas singular (cosa poseseda)	mi, el mío	tu, el tuyo	su, el suyo	nuestro, el nuestro	vuestro, el vuestro	su, el suyo
Mas plural (cosas poseseda)	mis, los míos	tus, los tuyos	sus, los suyos	nuestros, los nuestros	vuestros, los vuestros	sus, los suyos
Fema singular (cosa poseseda)	mi, la mía	tu, la tuya	su, la suya	nuestra, la nuestra	vuestra, la vuestra	su, la suya
Fema plural (cosas poseseda)	mis, las mías	tus, las tuyas	sus, las suyas	nuestras, las nuestras	vuestras, las vuestras	sus, las suyas

Determinantes de demanda

• Quién ('Ci')
• Qué ('Cual')
• Cuál ('Cual')
• Cómo ('Como')
• Dónde ('Do')
• Cuándo ('Cuando')
• Por qué ('Perce')

Otra determinantes

• Cuantia nondefinida: poco ('poca'), mucho ('multe'), bastante ('bastante')...

• Cardinales: un/una ('un'), dos ('du'), tre ('tre')...

• Ordinales: primero ('un'), segundo ('du'), tercero ('tre')...

Nomes

En la gramatica de espaniol, la nom es un categoria sintatical abrida, la clase de la nomis es definida semantical, car sintatical la ajetivo e la nom funsiona de forma mutable. Un sustantivo es la nucleo de la frase nomin e pote reseta un determinante. De un punto de vista morfolojial, lo es formida par un o plu monemes jeneral un lexem plu morfemes de jenero e numero, e morfemes derivada o afisas no constituinte. Desde un punto de vista instruinte lo es definida como la tipo de parola cual sinifia person, animal o cosa concreta o astrata, defini cual no servi per tota nomis ("carrera", "caminata", "actuación", "acción", pd).

Jenero

La nom forma la masin con la morfem -o e rara -e ("cliente", "héroe") e la femin con la morfem -a, e alga veses con la morfemes -triz, -esa, -isa o -ina (actor, actriz; abad, abadesa; poeta, poetisa; héroe, heroína). On ave esetas, como mano, dinamo o seo cual es femin an si los fini par -o; alga nomes finida par -a no es de jenero femin, ma masin, spesial aceles finida par la sufisa elinica -ma: fantasma, estigma, magma, apotegma, etc., an si en la lingua clasica de la Siglo de Oro lo ia es cambiante.

A la otra lado, alga numero de profesas finidas par la sufisa -ista es ambigua, car on debe ajunta la article par spesifa cuando on parla sur la femin: la especialista, la electricista. Ance on debe marca la parolas de cual la jenero es ambigua: mar en sua usa educada es masin ma en otra casos lo es femin: otras es de jenero androjine, car sua jenero no es relevante per indica sua seso, cuasi sempre nomes de animales: a perdiz, el milano, el elefante, la jirafa, la liebre, el águila, la cabra... A esta clase on ajunta la parola macho per mas e hembra per fema per distingui sua seso.

On ave nomis con sua femin noncoerente, nomida eteronimes: el hombre / la mujer; el caballo / la yegua; el yerno / la nuera; el carnero / la oveja; el padre, la madre; el toro / la vaca; macho / hembra; marido / mujer; padrino / madrina; caballero / dama; el jinete / la amazona. Alga parolas cambia sua sinifia si los cambia de jenero: el mañana / la mañana; el vocal / la vocal; el clave / la clave; el trompeta / la trompeta; el corte / la corte; el cámara / la cámara; el capital / la capital; el cólera / la cólera; el cometa / la cometa; / el cura / la cura; el frente / la frente; el espada / la espada; el Génesis / la génesis; el guardia / la guardia; el guía / la guía; el orden / la orden; el ordenanza / la ordenanza; el coral / la coral; el parte / la parte; el pendiente / la pendiente; el pez / la pez; la radio / el radio. Los es femin la nomes finida par -dad, -tad, -ción, -sión, -xión, -tud, -ies, -icie, -umbre, -sis, -ez e –triz, como la verdad, la libertad, la calvicie, la infección, la tesis, la vejez, la actriz, la cantidad, la amistad, la televisión, la lentitud, la mies, la superficie, la pesadumbre; on ave esetas como el análisis, el énfasis, el pez, el juez, el almirez e el ajedrez.

A la otra lado, la varia de jenero dona alga sutiles semantical> la femines es jeneral ojetos plu grande (anillo / anilla, cubo / cuba) o on prefere fa los ojetos o cosas (el cosechador / la cosechadora; el impresor / la impresora) o ave un valua despetosa: zorro / zorra; on nota ance la difere sur la valua coletiva de femin en alga oposas (leño /leña) e ance, femin indica en la plu casos (ma no en tota) la fruta, e la masin, la arbor corespondente: manzana / manzano; pera / peral...

La normas per distingui o cambia la jenero de la nomes es:

1. Si la nom masin fini par -o, en femin fini con la morfem de jenero -a.
2. La nomis cual en masin no ave morfem de jenero o fini par consonante, en femin on ajunta la morfem –a, per esemplo: profesor - profesora, león – leona, escultor - escultora.
3. La numeros cardinal es masin.
4. La nomes cual fini par -esa, -isa, -ina o –triz es femin, de cual la nomes masin no ave morfem de jenero masin. Per esemplo príncipe - princesa, poeta - poetisa, héroe - heroína, emperador – emperatriz, gallo – gallina, actor – actriz, conde - condesa.
5. Eteronimes. La masin e la femin es parolas diferente, per esemplo hombre - mujer, toro - vaca, caballo - yegua, padre - madre, yerno - nuera.
6. Nomes con forma nonvariable per ambos jeneros: La article e la alterante indica la jenero: el - la artista, el - la astronauta, el - la atleta, el - la ciclista, el - la guía, el - la estudiante, el - la intérprete, el - la modelo, el - la periodista, el - la testigo, el - la turista, el - la pianista.
7. Nomes cual refere a profesas ave formas diferente: el abogado/la abogada, el doctor/la doctora, el ingeniero/la ingeniera, el jefe/la jefa, el secretario/la secretaria, el traductor/la traductora, el presidente/la presidente, el chico/la chica.
8. Nomes cual cambia de sinifia dependente de la jenero, per esemplo: el capital - la capital, el cometa - la cometa, el corte - la corte, el cura - la cura, el frente - la frente, el orden - la orden, el Papa - la papa.
9. Mpmes de cual la jenero es ambigua: el azúcar - la azúcar, el mar - la mar, el calor - la calor, el margen - la margen. En multe casos, lo es causada par diferes dialetal.
10. Nomes de ambos sesos. Jeneral, cuando on ave un sola masin, tota la colie es considerada masin, lo no importa la cuantia de elementos femin.
11. Androjines. La nomes de animales cual no ave parolas diferente refere a ambos sesos: hormiga, liebre, lagarto.

Numero

On formi la singular de la nom con la morfem zero e la plural con la morfem -s si lo fini par vocal, o -es si lo fini par consonante o vocal asentuada, an si esta caso ultima es cambiante: maniquís o maniquíes. Alga parolas usa sola la plural (pluralia tantum) como víveres, comestibles, resultas, andurriales, anales, aledaños, gárgaras, trizas, tinieblas, modales, trébedes, enseres, exequias, afueras, alrededores, nupcias, entendederas, facciones, vituallas, honorarios, andas, añicos, arras, albricias, esponsales, maitines, creces, alicates, fauces, e otras sola la singular (singularia tantum): cariz, oeste, este, tez, caos, cenit, salud, sed, grima, fénix, vejez, vulgo, virus etc.

Jeneral, la numero indica ante otra tipo de informas; la plural alterna con la singular cuando on refere a ojetos cual ave du duis:espalda / espaldas; pantalón / pantalones; nariz / narices; tijera / tijeras; otra veses esta altranas ia eleje la plural an si lo es un sola ojeto, ma con du medias pd gafas. Ance lo ia es spesialida la plural de varia o spesia, cual nomi clases diferente de un mesma materia vino / vinos; madera / maderas. La plural ave ance, a veses, conotas despetada e pote indica abunda de alga cosas, como en la poema de Garcilaso de la Vega: "Corrientes aguas puras, cristalinas". Lo es plu difisil esplica la usa de alga plurales como en Carnaval / Carnavales; funeral / funerales; boda / bodas; Navidad / Navidades (pd on pote dise "árbol de Navidad" ma no "árbol de Navidades".

Verbos

Cada verbo espaniol parteni a un de tre clases, marcada par la coda de infinitiva: -ar, -er, -ir, a veses nomida la conjuga un, du e tre en ordina.

Presente

La presente de indicativa es usada per espresa atas o statos en la presente. Per esemplo:

• Yo soy alto (Me es alta).
• Ella canta en el club (Ela canta en la club).
• Todos nosotros vivimos en un submarino amarillo (Tota nos vive en un sumarina jala).
• Son las diez y media ([Lo] es des oras e tredes minutos).

Presente de indicativa de un verbo coerente finida par -ar hablar ('parla')

	Singular	Plural
Person un	(yo) hablo	(nosotros/-as) hablamos
Person du familial	(tú) hablas (vos) hablás/habláis	(vosotros/-as) habláis
Person du formal	(usted) habla	(ustedes) hablan
Person tre	(él, ella) habla	(ellos, ellas) hablan

Presente de indicativa de un verbo coerente finida par -er comer ('come')

	Singular	Plural
Person un	(yo) como	(nosotros/-as) comemos
Person du familial	(tú) comes (vos) comés/coméis	(vosotros/-as) coméis
Person du formal	(usted) come	(ustedes) comen
Person tre	(él, ella) come	(ellos, ellas) comen

Presente de indicativa de un verbo coerente finida par -ir vivir ('vive')

	Singular	Plural
Person un	(yo) vivo	(nosotros/-as) vivimos
Person du familial	(tú) vives (vos) vivís	(vosotros/-as) vivís
Person du formal	(usted) vive	(ustedes) viven
Person tre	(él, ella) vive	(ellos, ellas) viven

Pasada

Espaniol ave un numero de tempos verbal per espresa atas o statos en la pasada. La du cual es "simple " en sua forma (pd formida par un sola parola en locada de es un verbo composada) es la pasada e la nonperfeta.

Adverbos

Espaniol, como lingua franca nova, ave un clase de adverbos cual es adverbos fundal, pd, parolas cual sola es adverbos: muy ("multe"), poco ("pico"), lejos ("distante"), mucho ("multe"), casi ("cuasi"), etc. Per crea adverbos de ajetivos, la sufisa averbal -mente es ajuntada a la forma femin singular de la ajetivo.

Juntas

Las juntas espaniol y ('e') e o ('o') cambia sua forma en la lingua parlada e scriveda a e e u en ordina cuando es segueda par un sona vocal identica. Tal, padre e hijo ('padre e fio'), Fernando e Isabel ('Fernando e Isabela'), sujeto u objeto ('sujeto o ojeto'), vertical u horizontal ('vertical o orizonal').

La cambia no aveni ante la (h)i de un diftongo, como en acero y hierro ('aser e fero'). No la conjunta y cambia cuando apare a la comensa de un demanda (cuando lo servi per introdui o reintrodui un nom como un tema, en loca de lia un elemento con otra), como en ¿Y Inés? ('E Ines?')

Cuando la conjunta o apare entre numeros, lo es usual speleda con un sinieta (ó), per distingui lo de zero (0); tal, 2 ó 3 ('2 o 3') en contrasta con 203 ('dusento tre').

Sintatica

Bibliografia

Engles

• Batchelor, R[onald] E[rnest]; San José, Miguel Ángel (2010). A Reference Grammar of Spanish. Cambridge University Press. ISBN 978-0-521-42961-0.{{cite book}}: Manteni de CS1: data autotraduida (link)
• Butt, John; Benjamin, Carmen (2011). A New Reference Grammar of Modern Spanish (ed. 5). Hodder Education. ISBN 978-1-4441-3769-9.{{cite book}}: Manteni de CS1: data autotraduida (link)
• DeBruyne, Jacques (1996). A Comprehensive Spanish Grammar. Wiley-Blackwell. ISBN 978-0-631-19087-5.{{cite book}}: Manteni de CS1: data autotraduida (link)
• Pérez, Ángeles; Rafael Sala; and Manuel Santamarina. 1994. Cassell's Contemporary Spanish. MacMillan. 978-0-02-595915-6.
• Roque Mateos, Ricardo. 2017. A Good Spanish Book!: Basic Spanish Course for Foreigners. University Academic Editions. 978-15-4269-745-3.

Espaniol

• — (2005). Gramática esencial del español. Espasa Calpe. ISBN 84-239-9206-3.{{cite book}}: Manteni de CS1: data autotraduida (link)

Lias esterna

• Gramatica nova de la lingua espaniol (xercador)
• Gramática de la lengua castellana de 1771