Fraterculas es un jenera composada de tre spesies de la familia de alcos, con becos briliante colorida en la saison de reprodui. Esta es avias de mar cual abita a mar per la plu parte, e come par tufa. Los reprodui en colonias grande a presipes costal o isolas, con nidos entre rocas o en tuneles en la tera. Du spesies - la fratercula crestida e la fratercula cornida) abita la Mar Pasifica norde, e la fratercula atlantica, la Mar Atlantica norde.

Fratercula atlantica
Fratercula cornida
Fraterculo crestida

Un redui en cuantias sinifiante de fraterculas en la isolas de Shetland ia disturba siensistes.

Fraterculas ave plumas xef negra o negra e blanca, con un corpo spesa e becos grande. Sua testas ave un xapeta negra, e la fas es blanca. La pedes es roja oranjin. Los perde sua partes colorosa esterna de sua becos pos la saison de reprodui, cual resta un beco plu peti e sombre. Sua alas corta es evoluida per nada en un modo volante su la acua. En la aira, los colpa sua alas rapida (ast a400 veses per minuto) en vola rapida, como volante basa supra la surfas de la mar.

Fraterculas reprodui en colonias a costas e isolas. La fratercula atlantica ia construi un nido e mostra un fida forte a sua loca. Ambos sesos de la fratercula cornida aida en la construi de la nido. La fratercula crestida ia usa tunelis per sua nidos, sirca un metre basa, fininte en un camera, con un tunel per entra sirca 2 metres longa.

Fraterculas formi duples per reprodui cual dura longa. La fema pone un ovo, e ambos jenitores incuba la ovo e nuri la enfante. La jenitores teni sua ovo contra sua corpo con sua alas. La jovenes atenta vola a note. Pos acel, los spende alga anios prima de sua vive a mar, e reveni per reprodui pos sirca 5 anios a via.

Como multe alcos, fraterculas come pexes e zoplancton, ma nuri sua enfantes xef con pexes peti alga veses cada dia. La fraterculos pote teni alga pexes peti (tan multe como 10 o an plu) a cada ves, en loca de vomita pexes engolida como multe otra avias. Esta permete ce los usa plu tempo per sua viajas car los pote reveni con plu nuri per sua enfante ca un avia cual porta sola un pex a un ves.

En 2019, espertas ia reporta oserva fraterculas, en du locas separada, usante bastetas per rasca se, cual indica ce la fraterculas ave la capas de usa utiles simple.

SpesiesEdita

Fratercula atlantica (Fratercula arctica): Atlantica norde; la costas de Europa norde a Frans norde, Britan e Er, la isola Faro, Island, Gronland, Noria, Canada atlantica, a Maine en la SUA; inverni tan sude como Maroco e Nova York.

Fratercula cornida (Fratercula corniculata): Pasifica norde; costas de Sibir, Alaska, e Columbia Brites; inverni tan sude como California e Baja California.

Fratercula crestida (Fratercula cirrhata): Pasifica norde; Columbia Brites, Alaska sude-este e la Isolas Aleut, Camtxatca, la Isolas Curil, e la Mar de Ohotsc; inverni tan sude como Honshu e California.