Abri la menu xef
Grupor jigante entre otra pexes.

Pexes es un supraclase de vertebratos cual abita en acua, respira par brancias e pari sua projenia par ovos. Sua corpos es covreda par scamas e los move par pinas.

Pexes pote comunica en sua ambientes suacuan tra la usa de comunica acustica. Comunica acustica en pexes conserna la transmete de sinial acustica de un individua de un spesie a otra. La produi de sonas como medias de comunica entre pexes es plu frecuente usada en la contesto de come, ataca o cortea.

Pexes es abundante en plu acuas. Los pote es trovada en casi tota la ambientes acual, de la corentes de montanias alta a la profondones de la mares plu profonda. Con 33 600 spesies descriveda, la pexes ave un diversia plu grande ca cualce otra grupo de vertebratos.

Pexes es un recursos importante per la umanas, spesial como comeda. Pexores comersial e de susiste pexa en pexerias savaje (pexa maral) o eleva los en lagetas o en cajes en la mar (acuacultur). Los ance es pexada par pexores recreal, mantenida como animales de casa e esibida en acuerias publica. La pexes ia ave un rol en cultur tra la edas, servinte como dios, simboles relijial e como sujetos de arte, libros e filmas.

La plu pexes intercambia gases usante brancias en cada lado de la farinje. Pexes de alga grupos pote vive estra la acua per periodos estendeda.

CategoriasEdita

(Nota: esta lista no inclui grupos de pexes estinguida)

Infrafilo Agnata ("sin mandibula")


Infrafilo Gnatostomata ("mandibula-boca")

  • Clase Condrictio ("cartilajosa")
    • Suclase: holosefalo ("testo completa")
    • Suclase: elasmobrancio ("branchia de lata")
      • Supraordina: batoideo (raio)
      • Supraordina: selacimorfo (selaco)


Detalias per la clase actinopterijioEdita