Gluteo

La gluteos es du partes ronda de la anatomia esterna de la plu de mamales, locada a la posterior de la rejion pelvisal. En umanas, la gluteos es locada entre la dorso basa e la perineo. Los es composada de un strato de pel esterna e gras sucutanea supraponeda sur la gluteo major e gluteo media a sinistra e destra. La du gluteos major es la musculos la plu grande en la corpo umana. Los es encargada con moves como la reti de la corpo a la posa vertical (stante) cuando lo es curvida a la taie; la manteni de la corpo en la posa vertical par manteni la juntas de anca a estendeda; e la propulsa de la corpo a ante par estende plu la gamas (anca) cuando on pasea o core.

En multe cultures, la gluteos jua un rol en la atrae sesal. Multe cultures ia ance usa la gluteos como un blanco xef per puni corpal, car la strato de gras sucutanea de la gluteos ofre proteje contra feri ma permete ancora la aplica de dole.