Musculo gluteo major
La gluteo major es la estendador xef de la anca en umanas. Lo es la plu grande e la plu esterna de la tre musculos gluteal e composa un parte grande de la forma e aspeta de cada lado de la ancas. Lo es la musculo la plu grande en la corpo umana. Sua masa spesa e carnosa, con forma cuatroladal, formi la protende de la gluteos. La otra musculos gluteal es la media e la minor.
| Gluteo major | |
|---|---|
 La loca de la gluteo major | |
 La gluteo major e gluteo media | |
| Detalias | |
| Orijina | Surfas gluteal de ilio, faxa lombal, sacro, ligamento sacrotuberosa |
| Inserta | Tuber gluteal de la femor e banda iliotibial |
| Arteria | Arteria gluteal superior e inferior |
| Nervo | Nervo gluteal inferior (radises de nervos L5, S1 e S2 ) |
| Atas | Turna esterna e estende de la articula de anca, suporta la jeno estendeda par la banda iliotibial, musculo antigravital xef en senta e dedui de la anca |
| Antagoniste | Ilial, psoas major e psoas minor |
| Identifiante | |
| Latina | musculus glutaeus maximus |
| TA98 | A04.7.02.006 |
| TA2 | 2598 |
| FMA | 22314 |
| Termas anatomial | |
Sua grandia es un de la cualias la plu marcada de la sistem musculal umana, liada como lo es a la potia de manteni la tronco en la posa erijeda. Otra primates ave ancas plu plata e no pote resta sta erijeda.
La musculo es composada de fasiculos musculal locada paralel con lunlotra, e es juntada per formi faxas separada par septos fibrosa.
Strutur
editaLa gluteo major es la musculo la plu esterna de la gluteos. Lo orijina de lias a strutures visina: de la linia gluteal posterior de la ilio alta esterna, un oso de la pelvis, como ance supra lo asta la cresta ilial e apena su lo; de la parte basa de la sacro e la lado de la cosix; de la aponeurose de la erijador spinal (faxa lombodorsal), la ligamento sacrotuberosa, e la faxa cual covre la gluteo media (aponeurose gluteal).
La fibres es inferior e ladal oblica dirijeda.
La gluteo major fini a du areas xef:
- los cual formi la parte alta e plu grande de la musculo, en junta con la fibres surfasal de la parte plu basa, fini en un lamina tendonosa e spesa, cual traversa la trocanter major, e inserta a la banda iliotibial de la faxa femoral;
- la fibres plu profonda de la parte plu basa es insertada a la tuber gluteal de la linea aspera, entre la vasta ladal e aduador grande. Si presente, la trocanter tre servi ance como un punto de lia.
-
Gluteo major de la lado destra: contorno e areas de lia. -
Imaje cual mostra la surfas esterna de la ilio e la linia gluteal inferior. -
Areas de orijina e lia a la femor plu prosima. Gluteo major es marcada con la numero 12. -
Zona de lia a la femor. -
Musculos de la rejiones gluteal e femoral posterior, mostrante la orijina e inserta de la musculo gluteo major.
_-_Fig._349.png)
_-_Vol_1_-_Fig_339.png)
_-_Vol_1_-_Fig_176-177.png)
Bursas
editaOn trova tipal tre bursas en relata con la surfas profonda de esta musculo:
- Un de estas, multe grande, separa lo de la trocanter major (Bursa trochanterica m. glutaei maximi),
- numero du (frecuente mancante) es situada sur la tuber de la iscio (Bursae glutaeofemoerales),
- numero tre es trovada entre la pel e la tendon de la musculo, cual a veses estende asta la vasta ladal (Bursa trochanterica subcutanea).
Funsiona
editaLa gluteo major reti la gama a la anca; cuando on flexe la gama a la anca, la gluteo major estende lo per alinia la gama con la corpo. La ano alinia ance cuando on flexe la gama a la anca, fante ce la musculo tensa e la pelvis inclina a ante. Con un punto fisada a su, lo ata sur la pelvis, suportante lo e la tronco sur la testa de la femor; esta deveni clar en sta sur un gama. Sua ata la plu potiosa es causa ce la corpo recovre la posa erijeda pos curvi, par tira la pelvis a retro, aidada en esta ata par la bisepe femoral, semitendonosa, semimembronosa, e aduador grande.
La parte basa de la musculo ata ance como un aduador e turnador esterna de la membro. La fibres alta ata como deduidores de la articulas de anca.
La gluteo major es un tensador de la faxa femoral, e par sua lia con la banda iliotibial stabili la femor con la surfases articulal de la tibia en sta, cuando la extensador es destensada. Alora, la musculo esecuta un estende, un valgi e un turna esterna de la jeno.
Sosia e cultur
editaEserse
editaLa gluteo major es usada en multe sportes, de core a leva de pesas. On ave multe eserses focada sur la gluteo major e otra musculos de la gama alta:
- Puxa de anca
- Ponti de gluteos
- Estende de anca sur manos e gamas
- Penduli de alter ronda
- Acrupi (e varias)
- Leva de tera (e varias)
- Iperestende a retro
- Estendes cuadrodirijal de anca
- Leva de gluteo-isciotibial
En arte
editaEn termas cultural, la gluteos es frecuente regardada como un simbol de sania e fortia, e atraosa. Frecuente los apare en arte cual atenta asentua e selebra la fisicalia, e la capasia de move dinamical e potiosa. Los es usual depintida como eficas proportial e protendente.
Atestas de tal depintas de la musculos gluteal estende de a la min Elas antica asta la dia moderna.
- La gluteos en arte
-
Un lansor de lansia elinica antica representada sur un vaso, sirca 520 aec. -
Un geror elinica antica en bronze. Bronzes de Riace, sirca 450 aec.
Importa clinical
editaUn evalua funsional pote es usosa per evalua feris a la gluteo major e musculos visina.
Mesura la cuantia de veses cual un partisipante pote sta se e senta se en 30 secondos pote aida evalua fortia, flexablia, dole e dura, cual pote aida determina cuanto avansada un person es en recapasi, o cuanto labora resta ancora.
La proba de piriforma mesura la flexablia de la gluteo major. Esta nesesa un profesal instruida e es fundida sur la angulo de turna esterna e interna en relata con la estende normal de move sin feri o impedi.
Otra animales
editaLa gluteo major es plu grande e plu spesa en umanas ca en otra primates. Esta grandia es un de la cualias la plu marcada de la sistem musculal en umanas, liada como lo es en manteni la tronco en un posa erijeda. Otra primates ave ancas plu plata e no pote manteni erijeda sta.
En otra primates, la corelata a la gluteo major umana es composada de la isciofemoral, un musculo peti cual coresponde a la gluteo major umana e orijina de la ilio e la ligamentos de la sacrioilial, e la gluteo major propre, un musculo grande cual estende de la tuber iscial a un inserta relativa plu distante a la femor. Per adata a modo bipede de pasea, on ia nesesa un reorganiza de la lia de la musculo como ance la braso de leva.
Imajes ajuntada
edita-
Tota musculos gluteal, la gluteos major en jala -
Gluteo major es la musculo la plu surfasal de la ancas, asi vidable a la alta e sentro con pel sutraeda de la gama destra intera. Nota sua faxa relativa magra. -
La gluteo major, con la faxa visina. Gluteo destra, videda de retro, covre de pel sutraeda. -
Inerva e furni de sangue de la gluteo major. -
Gluteo major taliada, mostrante la strutures a su. -
Strutures vidable su la gluteo major. -
Inerva como videda de su la gluteo major. -
Strutures cual ensirca la articula de anca destra (gluteo major vidable a la basa). -
Anatomia surfasal de la gama alta, vista ladal. x = Gluteo major, xx = Vasta ladal, .. = Bisepe femoral, . = Tendon de la bisepe femoral / Testa de fibula. -
Musculos surfasal de la corpo, vista ladal.
