Abri la menu xef
La bandera de la Consilio de la Nasion de la Haida, con un desinia tradisional
Un dansor haida e sua enfante en vestes tradisional, a un selebra etnica

Haida (acc X̱aat Kíl, X̱aadas Kíl, X̱aayda Kil, Xaad kil) es la lingua de la popla haida, e es parlada en la arcipelago Haida Gwaii (en la pasada, Queen Charlotte Islands), de la costa de Columbia Brites e Alaska. Lo es un lingua isolida e seria menasada, con sola 14 parlores nativa, ma efortas per revive la lingua es aveninte. A la eda en cuando la europeanes ia ariva en 1774, la estima es ce sirca 15,000 parlores de haida abita la isolas. Epidemicas ia resulta rapida en un redui major de la cuantia de popla, cual ia deveni limitada a tre viletas: Masset, Skidegate, e Hydaburg.

Como la otra linguas de la Pasifica norde-ueste, haida ave multe fonemes e parolas difisil per persones ci no parla lo o linguas simil. La sistem de sonas inclui consonantes ejetiva, sonorante glotalida, corta e longa vocales, e tono fonemica.

An ce haida ave nomes e verbos, lo no ave ajetivos e poca adposadas vera. Ajetivos como en lfn es traduida a verbos en haida. Per esemplo, 'láa es leteral "es bon", usada en loca de simple "bon" como un ajetivo, ma los pote es usa como un verbo sin la usa de un copula. Formulas preposadal es xef espresada en haida con "nomes de relata". Per esemplo, la parola dítkw sinifia "lado fasante a via de la plaia, a la foresta".

Verbos es marcada per tempo, aspeta, modo, e evidentia, e persones es marcada par pronomes cual es ajunta a la verbo como clicas. Haida ave ance sentos de parolas clasinte. Lo ave un ordina de parolas multe rara nomida la ordina direta-inversa, do ambos la ordinas SOV e OSV aveni, dependente de la "potia" de la sujeto e verbo. Haida ave ance posese obligada, e alga tipos de nomes no pote sta solitar, ma nesesa un posesor.