Hominido

La hominidos es la familia de primates cual inclui oto spesies esistente, en cuatro jeneros: pongo (la orangutan bornean, sumatran, e tapanuli); gorila (este e ueste); pan (la ximpanze e bonobo;, e homo, con alga relatas estinguida (pe la neandertalan) e asendente (pe homo erecto). La asendente comun la plu resente de tota hominidos ia vive sirca 14 milion anios ante aora, cuando la asendentes de orangutanes ia separa de la linia asendente de la tre otra jenera. Acel asendentes de la familia homoinido ia separa ja de la familia hilobastido (la gibones) sirca 15 a 20 milion anios ante aora.

Tota spesies esistente de hominidos: (a alta) umanas; (a media) ximpanze, bonobo, gorila ueste e este; (a basa) orangutanes bornean, sumatran, e tapanuli

Un model de la filojenia de hominidos, con ramos visina de hominoidea, tra la 20 milion anios pasada

Car la relatas entre umanas e la otra hominidos es tan prosima, alga organizas per la diretos de animales sujesta ce la hominidos nonumana es persones e debe ave la diretos umana fundal. 29 nasiones ia institui ja un proibi de rexerca per proteje la hominidos ce cualce probas siensal.