La loca cual oji es conoseda como Suomi ia es colonida pos la ultima eda glasial, cual ia fini en 9000 aec. La plu de la rejion ia parteni a la Rena de Sveria de la sentenio 13 a 1809, cuando la plu de la rejiones con parlores de suomi ia es sededa a la Impero Rusce (escluinte la locas de Sveria norde moderna, do alga dialetos de Suomi es parlada), e esta rejion ia deveni la Duxia Grande de Suomi. La relijio luteran ia domina. La nasionalisme suomi ia emerji, sentrida en tradisiones cultural suomi, incluinte la musica e la testos relatada a lo. La famion desastrosa de 1866–68 ia es segueda par un regula economial e migra estendosa.