Istoria de la cristianisme en la eda medieval

La istoria de la cristianisme en la Eda medieval es la istoria de la cristianisme entre la cade de Roma (476) e la Reformi protestantiste en la sentenio 16, cual ia marca la comensa de la cristianisme moderna. Esta es la periodo conoseda en la istoria european como la Eda medieval.

Entre la bispias, sinco ia ave esele spesial: Roma, Constantinopoli, Ieruxalim, Antiocia e Alexandria, jeneral refereda como la Pentarcia. La prestijia de la plu de esta sejas ia depende de sua fundores apostolal o en la caso de Constantinopoli, cual ia es la seja nova (Roma Nova) de la Impero Roman (Bizantian). Esta bispos ia considera se la seguores spirital de la apostoles. En ajunta, tota la sinco sites ia es sentro temprana de cristianisme.