Istoria de la lingua asturleones
La istoria de la asturleones es la istoria de la evolui de esta lingua de sua orijinas como latina demotica en Asturias e sua estende en la eda medieval con la Reconcista, sua diverje en asturian, leones e mirandes e sua situa oji.
Anticia edita
Prima abitores de Asturias e Leon edita
La prima abitores de Asturias e Leon ia es de orijina preindoeuropean e ia lasa sua impresa en la linguas asturian.
Tal, on trova en asturian parolas preindoeuropean como vega, cotoya, artu, cuetu o cachiparru cual ia ariva direta o tra la latina.
Romanes edita
La romanes ia ariva a Asturias en la sentenio 1 ec, plu tarda ca a la resta de la penisola (sentenio 3 ec). Tal ia comensa un romani tarda en la cual la astures ia prende la lingua e cultur de la concistores. La latina ia deveni la lingua de la astures (como lo ia deveni la lingua de casi tota la poplas concistadas, esente un eseta clar la euscara.
La popla no ia parla la mesma latina ca la elite; los ia parla la latina demotica, cual ia es de do nase la asturian (e otra linguas romanica).