Juno

Juno (latina IVNO) es un diva antica de la romanes, protejor e conselor spesial de la stato. Un fia de Saturno, el es la sposa de Jupiter e la madre de Marte, Volcan, Belona, e Juventa. El es la corespondente de Hera, rea de la dios, en mitolojia elinica. Como Hera, sua animal santa ia es la pavon. Sua egal etrusca ia es Uni, e el ia es la gardor de la femes de Roma. Como la diva patron de Roma e la Impero Roman, Juno ia es ance nomida Regina ("rea") e ia es un membro de la truple de la capitol, sentrida sur la Colina Capitol en Roma, cual es composada de el, Jupiter, e Minerva, la diva de sajia.

Un sculta de Juno

Sua aspeta gerin entre la romanes es clar en sua vestes. El es comun mostrada como armada e portante un capa de la pel de un capra. La imaje tradisional de sua aspeta gerin ia es asorbeda de la diva elinica Atena.

Sua nom Juno ia deriva de iuven- (como un latina iuvenis, "joven") tra la forma corta iun (como en iunior, "plu joven"). Iuven- es relatada a latina aevum e elinica aion, de un radis indoeuropean parola per enerjia de vive o la tempo de fertilia.

La etruscas ia es un popla ci ia manteni contatas estendente con otra popla de la Mediteraneo: la elinica, la fenisianes, e la cartaganes. Juno en etrusca ia es Uno. En la lingua punica de la cartaganes, Augustino de Hipon ia dise, Juno ia es nomida Astarte. La elinicas regarda Juno como la imaje de Hera, la rea de sposi legal e la familia e sua santia. La cualias de Uno, Astarte, e Hera ia es combinada en Juno. [[Categoria:Relijio}}