Linguas algoncian

La linguas algoncian es un sufamilia de la familia de linguas american orijinal cual on nomi algic. (Sola du linguas de la familia algic no es algoncian: wiot e iuroc, ambos en California norde.) La familia algoncian es nomida per la lingua algoncian, e on no debe confusa la lingua con la familia. La nom veni de la parola elakómkwik (IPA: [ɛlæˈɡomoɡwik]), cual sinifia "los es nos aliadas o relatadas" en la lingua malisit. Oji, multe linguas algoncian es en peril de estingui, e alga es ja estinguida.

Parlores de linguas algoncian es trovada de la costa este de America Norde a la Montes Rocosa. On ia parla la protolingua algoncian a minima 3000 anios ante aora, cisa prima sur la planos de Canada sentral. La popla ia estende se a este e a la forestas de la sude-este. La linguistes Joseph Greenberg e Merritt Ruhlen ia sujesta ce esta familia de linguas es relatada a la linguas su e irocuoi, cual ia orijina cisa sur la planos de la SUA norde sentral, a sude de la algoncianes.

Sentral e Plano (clasi areal)

• Blackfoot (Pede negra)
• Arapaho
• Xeien (Cheyenne)
• Cri e Montanie
• Menomini
• Lagos Grande este
  • Ojibue-Potauatomi
    • Anixinabe, o Ojibue
    • Potauatomi
  • Fox (incluinte Sauk e Cicapu)
  • Xoni (Shawnee)
  • Miami e Ilinoi

Algoncian este (un vera sufamilia)

• Micmac
• Abenaci e penobscot
  • Abenaci e Penobscot este
  • Abenaci e Penobscot ueste
  • Malisit e pasamacuodi
• Etxemin? (datos minima; cisa un dialeto norde de masatxuset)
• England Nova sude
  • Wampanoag (wampanoag, massachusett e naraganset)
  • Lup (datos minima)
    • Lup A ? (probable nipmuck)
    • Lup B ? (cisa relatada a abenaci o mahican)
  • Mohegan e pecuot
  • Cuiripi, naugatuc, e uncuatxog
• Delauar (Delaware)
  • Mahican
  • Lenape (ance nomida delaware)
    • Munsi
    • Unami
• Nanticoc e conoi
• Pamlico (ance nomida algoncian de la Carolinas)
• Pohatan (ance nomida algoncian de Virginia)
• Xinecoc