La Montes Pamir, Tajicistan

La linguas de Pamir es un grupo areal de la linguas irani este, parlada par la abitantes de la Montes Pamir, spesial longo la Rio Panj e sua afluentes.

La linguas es parlada xef en la provinse Badakhshan de Afganistan norde-este e la rejion autonom de Gorno-Badakhshan de Tajicistan este.

Linguas de Pamir es ance parlada en Xinjiang, e la lingua sarikoli es parlada ultra la cadena de Montes Saricol sur la borda entre Afganistan e Xina.

La sola otra membro vivente de la grupo irani sude-este es paxtu.

Los ave la ordina de parolas sujeto-ojeto-verbo. No cualias cual uni la linguas de Pamir como un sola sugrupo de irani ia es mostrada. Membros de la area de la linguas inclui cuatro grupos dependable:

  • La linguas shughni-yazgulyam cual inclui shugni, sarikoli, e yazgulyam, con sirca 75 mil parlores; esta ance ia inclui la lingua estinguida vanji.
  • Muni e yidgha, con sirca 6000 e 2500 parlores en ordina; estas ave un cambia de *ð > /l/ no trovada en la otra grupos; un varia estinguida es sarghulami.
  • Sanglechi e ishkashimi e dialetos relatada, con sirca 2500 parlores; la linguas no es scriveda.
  • Wakhi es parlada par sirca 58,000 parlores, distribuida vasta - Afganistan, Tajicistan, Xina, Pacistan, e Rusia.

La majoria de parlores de linguas de Pamir en Tajicistan e Afganistan usa tajici (un dialeto de farsi) como sua lingua de leteratur, cual es un lingua irani sude-ueste (no sude-este). La linguas es menasada par estingui, con un cuantia intera de sirca 100,000 en 1990.