Abri la menu xef
La loca de Xinjiang en Xina
Un om sogdian sur un camel bactrian - figur de seramica sancai, dinastia Tang
La Lago Tianchi

Xinjiang (piniin; xines - 新疆; uigur - شىنجاڭ; nom vea - turcestan xines) es un rejion autotonom a la nivel de provinse de Xina, en la norde-ueste de la pais. Lo es la divide de dirije xines e la sudivide du de grandia en la mundo, con alga 1.6 milion km2. Xinjiang conteni la teritorio disputada Aksai Chin, cual es controlada par Xina e reclamada par India. Xinjiang borda con Mongol, Rusia, Cazacstan, Cirgistan, Tadjicistan, Afganistan, Pacistan, e India. La cadenas de montes Caracoram, Cunlun, e Tian Xan es locada en multe de la bordas de Xinjiang, e sua rejiones ueste e sude. Xinjiang borda ance la Rejion Autonom de Tibet e la provinses Gansu e Zinghai. La via la plu bon conoseda de la Via de Seda ia core tra la teritorio de la este a sua borda norde-ueste. En desenios resente, reservas grande de petrolio e minerales ia es trovada en Xinjiang, e lo es corente la rejion la plu grande de la produi de gas natural en Xina.

Xinjiang es la propre pais de un cuantia de grupos etnical, incluinte la uigur poplaes, han poplaes, cazac poplaes, tibetan poplaes, hu poplais, tajici poplas, cirgiz poplaes, mongol poplaes, e rusce poplas. Plu ca des-du prefetias e contias per minorias es en Xinjiang. Lo es divideda entre la Basin Dzungarian en la norde e la Basin Tarim en la sude per un cadena de montes. Sola sirca 9.7% de la area es conveninte per abita par umanas.

Con un istoria documentida de plu ca 2500 anios, un susede de poplas e imperos ia combata per controla su tota o partes de esta teritorio. Lo deveni su la rena de la dinastio Qing e la sentenio 18, cual ia es plu tarde recambiada par la Republica de la Popla de Xina seguente la Gera Interna Xines. En 1954, Xinjiang Bingtuan ia es comensada per forti la defende de la borda contra la Uni Soviet, e per promove la economia local. En 1955, Xinjiang ia es recambiada de un rejion autonom a un provinse. En la desenios resente, la disputa separiste e la influe de islam radical ia pesta la rejion, con atacas teroriste acaso e conflitas entre separistes e fortias governal.