Linguas totonacan
La linguas Totonacan (ance conoseda como la linguas totonac-tepehua) es un familia de linguas prosima relatada parlada par sirca 290,000 persones totonac (sirca 280,000) e tepehua (sirca 10,000) en la statos Veracruz, Puebla, e Hidalgo en Mexico. A la eda de la concista espaniol, totonacan ia es parlada longo la costa de la Baia de Mexico. En la periodo colonial, la linguas totonacan ia es a veses scriveda e a min un libro de gramatica ia es produida. En la sentenio 20, la cuantia de parlores de la plu de varias ia descrese car parlores ia es manxada cresente per no adota espaniol como sua lingua xef.
La linguas es aglutinante e usa sufisas con morfemes liada. Verbos accorda con la sujeto e la ojeto. Nomes no es marcada per casos, e es tipal no marcada per pluralia. Los no ave preposadas, e usa un varia de verbos causante, ojetos periferal, e prefisas indicante partes de la corpo per la rol.
La linguas totonacan ia es comparada sola resente a otra familias par la usa de la metodos de linguistica comparativa. Los ave cualias areal con otra linguas de la la area mesoamerican linguistica, pe la linguas maian e nahuatl. Rexerca resente sujeste ce un lia jenetica a la linguas mixe-zoce, an si esta no es ja serta mostrada.
Ofisiales governal e rexercores linguistica no acorda completa con un tasonomia de la linguas o an la cuantia de los. Asi es la lista de Ethnologue:
Tepehua:
- Tepehua huehuetla - 3,000
- Tepehua pisaflores - 4,000
- Tepehua tlatxitxilco - 3,000
Totonac:
- Totonac papantla - 80,000
- Totonac coiutla - 48,000
- Totonac montanian - 120,000
- Totonac filomeno mata - 15,000
- Totonac xicotepec - 3,000
- Totonac ozumatlan - 1,800
- Totonac misantla - 500
- Totonac alta necaxa - 3,400
- Totonac tecpatlan - 540