Nahali (lingua)

Nahali (acc nihali), es un lingua isolida cual es parlada en India ueste-sentral (Madhia Pradex e Maharaxtra) per sirca 5 000 persones. La lingua ave multe parolas prestada de la linguas marati (lingua), dravidica, e corcu, ma sirca 25% de sua vocabulo es orijinal de la lingua. On ave no parlores monolingua de nahali - los pote parla ance hindi, marati, e/o corcu.

Tra sentenios, la plu de nahali ia labora como cultivores per la parlores de otra linguas. Spesial, nahalis ia labora per membros de la popla corcu, e ia es comun bilingual en la lingua corcu. Esta istoria ia resulta en parlores usante nahali per preveni ce otras pote comprende los. An si la vilas de corcus tipal ave un distrito nahali, la nahalis es videda par multe como un popla stranjer e nonfidable. La usa de la lingua pare simil a la usa de romani en Europa.