Nomes roman

En la costum de nomes de Roma antica, la nom de un sitadan mas ia es construida de tre partes: la nom individua (praenomen), la nom de la clan (nomen gentile), e la nom de la familia (cognomen). A veses, un nom du o tre (un nom familial conoseda como agnomen) ia es ajuntada. Esta sistem es de la sivilia de la Etruscanes.

Femas ia es conoseda (ofisial) par la forma fema de la clan de la padre, segueda par la caso posesente de la nom familial de la padre o, si sposida, de la sposo. Si on ave multe sores, cada sore ave un numero de la ordina de nase entre la sores. Plu tarda, en la eda de la Republica Roman, femas ia adota ance la forma fema de la nom familial de la padre.

Per esemplo, a su es un analise de un nom roman: "Marcus Aurelius Marci f. Quinti n. tribu Galeria Antoninus Pius, domo Caesaraugusta."

• praenomen: Marcus
• nomen gentile: Aurelius (la clan de Aurelia)
• patronimicus: fio de Marcus
• se avo: neto de Quintus
• se tribu: Galeria (un tribu de la area de Caesaraugusta en Espania)
• cognomen: Antoninus (la familia de la Antonini)
• agnomen: Pius (cisa per sua adora de la dios)
• sua site: Caesaraugusta (Saragossa antica en Espania).

En usa dial, persones ia es clamada con sua cognomen, o con sua praenomen e nomen gentile. Donce, "Marcus Livius Drusus" ia es simple "Drusus" o "Marcus Livius". "Iulia Marciana" ia es simple "Iulia".