Abri la menu xef

La provinse Soria es un provinse de Castelia e Leon, en Espania. La plu de la provinse es situada en la area montaniosa de la Sistem Iberian.

Provinse Soria
Provincia de Soria
Flag Soria province.svg Coat of Arms of Soria Province.svg
Soria in Spain.svg
Pais: Espania
Comunia autonom Castelia e Leon
Capital: Soria
Area: 10306,42 km²
Cuantia de abitores: 89 752 (2018)
Densia: 8.70 km²

Soria es la provinse espaniol la min poplada, con densia de 8,60 ab/km², un de la plu petis de la Uni European. La provinse ave 88 600 abitores (1 janero 2018), de ci 44,1% (39 112) abita en la capital. Lo ave ance un de la poplas la plu vea de Europa: 6% de sua abitores ave plu ca 85 anios.

La provinse ave plu ca 500 nucleos de abitores, grupida en 183 munisipas, de cual plu de la dui (116) ave min ca 100 abitores. Sola 11 ave plu ca 1000 abitores e sola Almazan e la capital ave plu ca 5000 abitores.

La capital es Soria.

La altia promedia, de 1025 m, e la montes a la norde de la provinse constrinje la clima.

IstoriaEdita

 
Ruta de las Icnitas de la Teras Alta de Soria.

La tera de la provinse ia es poplida par dinosauros, como on pote vide en la Ruta de las Icnitas (via de impresa de pedes) con 15 conserverias arceolojial situada en la provinse, organizada en tre vias[1], entre cual on nota:

  • Valles de Valdelalosa, con impresas de pede de pterosauros;
  • la munisipas de Bretún, Santa Cruz de Yanguas e Villar del Río, cual ave impresas de pede.

PreistoriaEdita

 
Las Covatillas, un de la depintas de cavas de Valonsadero.

En la provinse on trova restas arceolojial de multe valua, entre cual on nota la depintas de cavas. On ave 18, e on nota spesial los de Valonsadero. Otra depintas de cavas es:

  • Cueva Maja (Cabrejas del Pinar, Soria)
  • La Peña de los Plantíos (Fuentetoba, Soria)
  • Prado de Santa María (Pedrajas, Soria)
  • Cueva Grande y Cueva Larga (Oteruelos, Soria)
  • Langosto (Langosto, Soria)
  • Canos (Sierra del Almuerzo, Soria)
  • Conjunto de Monte Valonsadero (Soria)
  • Cueva Conejos (Ucero, Soria)
  • Cueva Mayor y Cueva Menor de San Bartolomé (Ucero, Soria)
  • Cueva de Covarrubias (Ciria, Soria)
  • Yacimiento de Barranco Hondo (Villalba, Soria)
  • Cueva de la Santa Cruz (Conquezuela, Soria)
  • Manzanares-Tiermes (Soria)
  • Sotillos/Barranco de la Mata (Sotillos de Caracena- Cuevas de Ayllón, Soria)
  • Conjunto de Retortillo (Retortillo de Soria,Soria)
  • Valvenedizo/Prados del Arenal (Valvenedizo, Soria)
  • Castro/Las Cuevas (Castro, Soria)
  • Abrigo del Este y Abrigo del Oeste (Cuevas de Ayllón, Ligos, Soria).

En esta depintas de Valonsadero la figures xef cual apare es de umanas e boves. La depintas es divideda en 11 stasiones, cual es: Las Covatillas (1), el Covachón del Puntal (2), la Lastra (3), el Mirador (4), Peña Somera (5), Peñón de la Visera (6), Covacha del Morro (7), Peñón del Majuelo (8) y los Peñascales I, II y III (9,10 y 11).

Du de la locas arceolojial la plu importante es Torralba e Ambrona, de 350 000 anios aa. Asi on trova restas de elefantes e cavalos.

AnticiaEdita

CeltiberiaEdita

En la Eda de Fero, la provinse ia es un parte de Celtiberia, un teritorio en cual la celtiberianes ia abita, regardada como celta. Esta cultur ia lasa en la provinse restas arceolojial de multe importa como Numantia, Uxama (Osma) o Termantia (Tiermes) e la atas eroin como lo de Numantia.

Numantia es situada en La Muela de Garray, e es conoseda per resiste la aseja de la romanes gidada par Publio Cornelio Scipio Emiliano en 133 aec. Los ia prefere suiside ca sede a sua enemis. Sua abitores prima ia ocupa lo en la Eda de Bronze (entre 1800 aec e 1700 aec). En 153 aec on ave la lutas prima contra la romanes cuando sua abitores ia vade per aida la abitores de Segeda contra la armada de 30 000 omes de Quinto Fulvio Nobilior, ci ia vinse los. Pos 20 anios de atacas roman, la Senato ia envia en 134 aec Publio Cornelio Scipio Emiliano per destrui la site. El ia aseja lo e pos des-tre menses de famia e maladias, sin comables, la numantianes ia fini suisidente.

La site de Tiermes ia es ocupada de la Eda de Bronze, cual mostra ce la site ia es continuante ocupada per 20 sentenios, asta la sentenio 16. La site ia es concistada par Tito Didio en la anio 98 aec.

Uxama ia luta contra la romanes en la geras celtiberian (153–133 aec). Lo ia es concistada en 99 aec. Plu tarda, lo ia suporta Quinto Sertorio contra la urbe roman e per esta ia es destruida par Pompeio la Grande en 72 aec, an si lo ia es reconstruida a pos.

VasconesEdita

On ave en Soria, xef en la zona norde, plu ca 200 toponimes euscara, cual mostra un presentia de la vascones en la zona. Alga de esta toponimes es Urbión, Narros, Garray e Larralde.

RomanesEdita

 
Arco roman de Medinaceli.

Pos la geras de concista e la prosede de romani, la provinse ia aparteni a la Conventus Cluniensis de la provinse roman de Tarraconensis. De esta periodo on nota la sites de Numantia, Termantia e Ocilis (Medinaceli).

En Cuevas de Soria on ave la restas de un vileta roman. Lo ave 4000 m² de surfas. On ave ance la vileta roman de Los Villares.

En Medinaceli on pote vide la arco roman, la sola de esta tipo cual esiste en Espania. Construida en la sentenio 1 ec, lo ave tre arcos e ia separa du provinses roman.

Eda medievalEdita

Visigotos e muslimesEdita

 
Rota de La Des-du linias de familia de Soria, ci ia governa Soria de la eda medieval asta la sentenio 19.

Pos la cade de la Impero Roman, lo ia es prima ocupada par la visigotos e plu tarda par la muslimes. De la fase muslim, on conserva la casteles de Medinaceli e Gormaz, la fortres califal la plu grande de Europa de sua clase.

On ave du necropolis visigoto en la provinse: un en Suellacabras e un otra en Taniñe. En Los Castillares, prosima a Suellacabras, on trova entre la sentenios 19 e 20 plu ca 30 tombas de orijina visigoto e, en los, armas, vitros, fibulas con forma de ren e anelos con un pijon a un lado[2].

Lo es en esta epoca de domina muslim cuando la provinse ia deveni un protagoniste xef de la istoria, car la geror muslim la plu importante, Almanzor, ia ave sua seja en Medinaceli e la rejiones de la rio de Duero de Soria ia pasa de controla muslim a cristian (e reversada), esente cuasi sin abitores. De esta epoca on ave la tores de vijila e la tores de defende cual ia estende tra la provinse e cual ia dona la nom a Castelia (tera de casteles). Entretempo, asta la sentenios 9 e 10, la norde de la provinse ia es abitada par persones pagan. La fontes arabi nomi los barbar (aŷam) en loca de la terma usual per cristianes (naṣrānī, نصراني)[3].

Rena de PamplonaEdita

 
Palasio de la Contes de Gomara, de la sentenio 16.

En la reconcista en la eda medieval, la rejion norde e este de la provinse de Soria ia es un parte de la Rena de Pamploa en 1016, car la re Sancho Garcés 3 ia acorda la limitas entre la Contia de Castelia e la Rena de Pamplona. En esta acorda, la estende a sude e a este, la rejion norde-este de Soria e la Vale de Ebro ia es per Pamplona.

En 1127 on ia acorda la Pas de Tamara en cual Alfonso 1 de Aragon ia renunsia la titulo de Imperor e la fronteras ia es limitada entre la renas de Castelia, Navara e Aragon con la devolve de alga teritorios a Castelia. En esta trata, la teritorios de Bizcaia, Alava, Gipuzcoa, Belorado, Soria e San Esteban de Gormaz.

Rena de CasteliaEdita

 
Salon de come de la Monceria de Santa María de Huerta.

Soria ia deveni un parte de Castelia en 1134, con la re Alfonso 7.

En 1187, Alfonso 8 ia asembla la nobiles e la representores de la sites la plu importante de Castelia en Cortes en San Esteban de Gormaz, en la esemplo prima de parlamentisme en la mundo ueste. (Un otra ia es la Cortes de León de 1188.)

Pos la reconcista en la eda medieval, Soria ia conose la brilia la plu grande de sua istoria, convertinte se en la jem de arte romanica cual lo es an oji.

Cuasi tota la economia en la eda medieval ia pertine a lana. Car lo ia es la comensa de alga vias major de bestias (cañadas reales), Soria ia controla la corti de lana de sua manadas e la envia de la lana a Burgos e la portos de la norde de la penisola Iberia. En 1492, la espulsa de la iudis ia sinifia la dejenera economial e sosial de Soria.

Eda modernaEdita

 
Palasio duxal de Medinaceli.

Con la uni de la renas de Castelia e Aragon, la provinse ia sesa es un loca stratejial. Esta situa ia dura tra tota la eda moderna, en cual la declina de profitabilia ia comensa la mali economial e demografial de la provinse. An tal, on ave esetas como El Burgo de Osma, do con grasias a la influe de la Eglesa Catolica, esta site ia developa sua Universia Universidad de Santa Catalina (sentenio 16), la seminario de San Domingo o la Ospital Vea de San Agustin (sentenio 17)[4].

En esta epoca, la res ia dona titulos a nobiles, como lo cual Isabel de Castelia ia dona a Luis de la Cerda y de la Vega. Sua desendentes ia construi la Palasio Duxal de Medinaceli[4].

Eda contemporaEdita

La eda contempora ia es marcada par la geras cual ia aveni en la pais. Aceles ia continua malinte la economica de la provinse pd, de du miliones oveas en la sentenio 18, lo ia ave 500 000 en 1832. Oji, par causa de turisme, Soria es recuperante la brilia antica.

JeografiaEdita

 
Mapa fisical de la provinse.

MontesEdita

La provinse es traversada par la Sistem Iberian. La cadenas de montes la plu importante es la Picos de Urbion, Castillo de Vinuesa, Sierras de Razon, Cebollera, de Montes-Claros, de Alba, del Moncayo, de Tablado, de Deza.

La montes xef es la Moncaio, la Apico de Urbion, la Sierra Cebollera, la Sierra Pela, la Porto de la Tre Cruses, la Sierra Tablada, la Sierra del Madero, la Pico de Grado e la Sierra de Deza.

RiosEdita

La provinse parteni a du basines idrografial: la basin idrografial de la Duero e la basin idrografial de la Ebro.

La rio xef es la Rio Duero, cual nase en la provinse en la Apicos de Urbion, en la munisipa de Duruelo de la Sierra. En la cadenas de montes alta, la Rio Duero reseta multe rietas cual desende de la apicos como la Ebriellos a la destra e la Revinuesa a la sinistra. Esta ultima sorti de la Lagon Negra de Urbion, de orijina glasial. La tre rios, cual traversa la tera de foresta de pinos sorian, uni en la Lago de reserva de la Cuerda del Pozo. Pico ante ariva a Soria, la rio aseta la Rio Tera a la sinistra.

La rios de la provinse de la basin idrografial de la Ebro es la Cidueña, la Alhama, la Añamaza, la Queiles, la Manubles, la Nagima e la Jalon.

Spasios natural protejedaEdita

  • Parce Natural de la Canion de la Rio Lobos
  • Parce Natural de la Lagon Negra e la Circos Glaciares de Urbion

Otra spasios naturalEdita

  • Spasio Natural de Castroviejo
  • Spasio Natural Protejeda de la Lago de Reserva de la Cuerda del Pozo

Monumentos naturalEdita

  • La Fuentona

ConserveriaEdita

  • Conserveria de la Bosce de Ilex de Garagüeta
  • Conserveria de la Bosce de Juniperes de Calatañazor

PoliticaEdita

 
Palasio de la Delega Provinsial.

La organiza cual governa la provinse es la Delega Provinsial de Soria. Lo aida direta la citadanes e dona suporta economial e tecnolojial a la ofisias de site de la munisipas.

SorianismeEdita

La sorianisme, o rejionalisme sorian, es la senti teritorial organizada como promove cultural, sosial e political, con ojeto rejionaliste, cual luta contra nonegalias istorial en la provinse de Soria.

Organiza teritorialEdita

SituaEdita

Soria ave 10 306,42 km² e es situada en la rejion este de la comunia autonom de Castelia e Leon. Lo borda la comunia autonom de Rioja e la provinses de Zaragoza (Aragon), Guadalajara (Castelia-La Manga), Segovia e Burgos (Castelia e Leon).

MunisipasEdita

La uni xef de maneja es la munisipas. On ave oji 183. La munisipa con la plu abitores es la capital. Lo es notable ce multe de los ave min ca 500 abitores. La area promedia de la munisipas es 56,30 km². En ajunta a la capital, on nota la munisipas Almazan e El Burgos de Osma. En 2017, longo la contia de abitores munisipal, la 20 munisipas la plu poplada ia es:

Munisipas par cuantia de abitores

 
Soria
 
Almazán
 
Burgo de Osma-Ciudad de Osma

N.º Munisipa Popla N.º Munisipa Popla

 
San Esteban de Gormaz
 
Ólvega
 
Ágreda

1 Soria 39112 11 Duruelo de la Sierra 1111
2 Almazán 5526 12 Berlanga de Duero 877
3 Burgo de Osma-Ciudad de Osma 4926 13 Vinuesa 874
4 Ólvega 3626 14 Navaleno 776
5 San Esteban de Gormaz 3010 15 Garray 736
6 Ágreda 3008 16 Medinaceli 721
7 Golmayo 2568 17 Langa de Duero 719
8 San Leonardo de Yagüe 2047 18 San Pedro Manrique 617
9 Covaleda 1720 19 Almarza 572
10 Arcos de Jalón 1489 20 Quintana Redonda 488
Recurso: INE 2018[5]

Si on ordina la provinses par la cuantias persental de abitores en la capital, Soria es a la numero 10 (44,1%, contra la 31,96% de tota Espania).

ComarcasEdita

Article xef: Comarcas de Soria

La 183 munisipas sorian es grupida en 11 comarcas:

Distritos judalEdita

Istoria de la divides manejalEdita

 
Cambias teritorial de la provinse en 1833.

De la eda medieval, e cuasi sin cambias asta 1833, la media de la provinses moderna Guadalajara (señorío de Molina) e Rioja (Cameros) ia aparteni a la provinse Soria. En 1833 los ia es sutraeda e, como compensa, alga munisipas de la provinses Burgos e Segovia ia es donada a la provinse de Soria.

En la conta de abitores de Floridablanca, la Intendencia de Soria ia es formida par[6]:

DemografiaEdita

Con 2,4% de la surfas nasional, Soria ave sola 0,2% de la popla de la teritorio nasional, e esta cuantia es reduinte. En 2014 la cuantia de nases ia es 643 ma la moris ia es 1141, con un crese negativa de 498 persones.

La provinse ave un indise alta de despopla. Soria es la provinse la min poplada de Espania, longo la conta de abitores de 2018 de la Instituida Nasional de Statistica, e lo es donce un de la teritorios la plu despoplada en la Uni European (8,6 ab/km² en 2018). Esta indise es multe distante de la promedia de Espania e de la Uni European (92,37 ab./km² e 117 ab./km², en 2018).

On debe ance ajunta ce la provinse ia perde plu ca 40% de sua abitores en la 50 anios ultima, cual presenta la proportio de senese la plu grande en la Uni European (26,7% de sua abitores ave plu ca 60 anios, contra la 16,9% de la promedia espaniol) e 116 de sua 183 munisipas ave min ca 100 abitores.

Plu, la popla de la provinse Soria es consentrada en la capital e alga munisipas prosima; alga munisipas de la comarca de Pinares e en la nucleos antica de comarca (Almazán, Burgo de Osma e Arcos de Jalón) cual es ance perdente abitores. La otra munisipas es en un situa demografial multe grave, marxante a un despopla intera. Esta es oservable xef en la parte este de la provinse, en la comarcas de Campo de Gómara, Moncayo, Tierras Altas e la de Almazán.

EconomiaEdita

En ajunta a la campos economial tradisional de la provinse (per esemplo, la cultiva nonirigada), la economia sorian es oji fundida sur turisme (campanial, monumental, paleontolojial, de monte e de neva) como ance en la campos de enerjia e industria, do on pote nota la industria de comables, la trata de lenio e la fabrica de mobilas.

La parces industrial xef es situada en la site Soria e sua visinia, e en Olvega, Almazan e El Burgo de Osma. An si la provinse ave un situa stratejial prosima a la sites Madrid, Valladolid, Pamplona e Zaragoza, la manca de infrastrutures de transporta e enerjia conveninte no ia permete ce la provinse developa sufisinte. Reatante a esta fato, un promove de sitadanes ia es creada, nomida Soria ¡Ya!, cual demanda per strutures de comunica sufisinte per la provinse e plu investis.

Campo economial de grado primaEdita

La cultiva sorian ia es tradisional nonirigada. En la desenio de 1950 on ia ave 70 000 ectares cultivada, ma tro multe sudivides e la manca de macini ia resulta un produosia basa[7]. En 1960, cuando la campo economial de grado prima ia ocupa 69% de la laborores de la provinse, 70% de la operas cultival ia funsiona con sola la tira par bestias. Oji on ave 100 000 ectares per cultiva orzo[8] e 100 000 plu per cultiva trigo.

La provinse ia es la partito xef en la Mesta; sua bestias xef es oveas, e en la desenio de 1960 on ia ave 800 000 de los. Como la varia txura e merina ia sustitui per la varia de ovea negra de Celtiberia, de la desenio de 1960 la varias orijinal de boves fema de monte sorian, porcos e gales fema ia es miscada o sustituida par otra varias plu produosa[7].

Ance importante es la esplota de la furnis de foresta orijinal per oteni lenio e resina e per colie fungos. A fini, de anticia, la provinse ave minas (escaverias de carbon en Espejon, minas de fero en la montes Toranzo, Olvega asta la desenio de 1970).

Campo economial de grado duEdita

 
Beneria de resinas natural en Almazan.

La campo economial de cultiva ave un contribui multe alta a la produi interna bruta (pib) de la provinse (10 puntos plu ca la promedia espaniol). La industria representa un cuantia pico plu ca la 20% de sua pib[9]. On nota la campo nural (produi de farina, industria de carne, spesial en Olvega, vinerias, incluinte algas de Denominación de Origen de Riva de Duero en San Esteban de Gormaz), la trata de lenio, e la fabrica de mobilas (cual ia contribui a manteni la montes e crea empleas) e ave un partisipa importante en la industria aidante de composantes de automobiles.

Campo economial de grado treEdita

Soria ave valuas interesante per turisme, liada a sua furnis propre. On nota sua situa jeografial en la teritorio nasional, entre la vales de la rios Ebro e Duero, prosima a capitales grande, como Madrid e Zaragoza, e a Navara, Rioja e Euscadi[9]. La provinse conteni la stasion de sci de San Ines.

CulturEdita

ArcitetaEdita

La arciteta poplal lasa casas tradisional sorian, con varias como la casa pinariega en la comarca Pinares.

La provinse es conoseda par esemplos de arciteta romanica, como la Eglesa de San Miguel en San Esteban de Gormaz, la eremiteria de San Baudelio, la Eglesas de San Domingo e de San Juan de Rabanera, e la Monceria de San Juan de Duero.

Otra esemplos de arciteta sorian es:

  • Catedrales: Catedral de Soria, Catedral de El Burgo de Osma.
  • Eglesas: Eglesa de Nosa Seniora de Rivero, Eglesa de San Domingo, Eglesa de San Miguel.
  • Moncerias: Monceria de Santa María de Huerta, Monceria de San Juan de Duero.
  • Casteles: Castel de Gormaz, Castel de de Berlanga de Duero, Castel de Calatañazor.
  • Murones: Muron de Agreda, Muron de Almazan, Muron de El Burgo de Osma.
  • Palasios: Palasio duxal de Medinaceli, Palasio de la Contes de Gomara, Palasio de la Familia Mendoza.

MuseosEdita

 
Museo Numantian.

CosiniEdita

 
Un gama de carne de oveta rostada.

La cosini tradisional de la provinse es un misca de la produidas de pastores e bovores.

Alga platos tradisional es:

Alga deseres tradisional es:

FestasEdita

 
Enfantes de la Cuadrilla de San Miguel con la vestes tradisional selebrante la Domingo de Calderas.

La festa xef de la provinse es la Festas de San Joan o de la Madre de Dio, ses dias de festas, divideda en esta modo:

  • Miércoles "El Pregón", (ajuntada en 1956 ante la jovedi inisial).
  • Jueves "La Saca",
  • Viernes "De Toros",
  • Sábado "Agés",
  • Domingo "De Calderas"
  • Lunes "De Bailas".

Otra festas es:

Juas tradisionalEdita

Alga juas tradisional es:

  • Tanguilla
  • Calva
  • Boling
  • Rana
  • Bolillos

Musica e dansasEdita

La dansa xef es la jota, cual esiste ance en otra locas de Espania, xef en Aragon. Ma la jota sorian envolve saltas. Otra dansas es la agachadas (fada en Ciria), la palomas chiclaneras (fada en Revilla), e la rueda[15].

SporteEdita

La sporte tradisional es la axi de troncos.

En futbol, la provinse es representada par CD Numancia, cual jua en la Divide Du en Espania. Sua stadion es la Nuevo Estadio Los Pajaritos, abrida en 1999. Otra ecipos es Norma San Leonardo Club de Fútbol, Sporting Club Uxama e Sociedad Deportiva Almazán.

En volibal on ave du ecipos, la Numancia Ciudad del Medio Ambiente de Soria, instituida en 1978, e la Club Deportivo Voleibol Río Duero Soria, instituida en 1999.

En bascetbal on nota la Club Soria Baloncesto.

ReferesEdita

  1. Ruta de los dinosaurios en Soria ¡Descubre las Tierras Altas!
  2. Los visigodos en Soria
  3. Almagro-Gorbea, Martín (2018). Los celtas, 1 edició, Almuzara, p. 96. ISBN 978-84-17229-13-9.
  4. 4.0 4.1 Provincia de Soria, más de 10.000 km2 de pura historia
  5. "Cifras oficiales de población resultantes de la revisión del Padrón municipal a 1 de enero de 2016." 2012.
  6. España dividida en provincias e intendencias y subdividida en partidos, corregimientos, alcaldías mayores, gobiernos políticos y militares... [1] [2]
  7. 7.0 7.1 Ruiz, Emilio (2001). Historia Económica de Soria, CSIC.
  8. Villarroel, Isabel G. (30.12.13). "Soria registró en 2013 una veintena menos de profesionales agrarios."
  9. 9.0 9.1 Plan de Actuación Específico para Soria, 2005, Consejo de Ministros de España, 2005.
  10. "Semana Santa de Soria." Junta de Castilla y León. Retraeda en 7 de marzo de 2013.
  11. "La Bajada de Jesús." Junta de Castilla y León. Retraeda en 27 de octubre de 2014.
  12. "Nuestra Señora de la Virgen del Pino y San Roque." Junta de Castilla y León. Retraeda en 27 de octubre de 2014.
  13. "Paso del Fuego y Fiesta de las Móndidas." Junta de Castilla y León. Retraeda en 27 de octubre de 2014.
  14. "Viernes Santo en Ágreda." Junta de Castilla y León. Retraeda en 27 de octubre de 2014.
  15. Los Bailes de Soria

BibliografiaEdita

  • (es) Casa, Carlos de la e José Antonio Martín de Marco (ed.) (2015) Soria. Su historia, sus monumentos, sus gentes.
  • (es) Delso Marrón, Gloria (2009) Juegos y Deportes tradicionales en la provincia de Soria, Asociación Cultural La Tanguilla.
  • (es) Gaya Nuño, Juan Antonio (2003) El románico en la provincia de Soria, Madrid: Consejo Superior de Investigaciones Científicas.
  • (es) Goig Soler, Isabel e Luisa Goig Soler (1996) Soria pueblo a pueblo, Barcelona: Gráficas SIGNO.
  • (es) Ruiz, Antonio, Isabel Goig e Israel Lahoz (2001) Juegos populares sorianos, Soria: Centro Soriano de Estudios Tradicionales.
  • (es) Ruiz Vega, Antonio (1985) La Soria Mágica. Fiestas y Tradiciones Populares.

Lias esternaEdita