Rio Elbe
La Rio Elbe (en txesce: labe, en platdeutx: elv) es un de la rio major de Europa sentra. El comensa en la Montes Krkonoše en Txesco. Lo core tra la plu parte de Boemia a Dresden, Deutxland. De la borda, lo continua a la norde-ueste. Lo fini 110 km norde-ueste de Hamburg, vacuinte en la Mar Norde a Cuxhaven. Lo es 1094 km en longia.
La romanes nomi la Rio la Albis, ma la nom deriva de la parola deutx albiz, cual sinifia rio o leto de rio. En la linguas Scandinavian, la parola älv o elv ancora sinifia "rio".
La romanes ia atenta move la borda de sua impero de la Rio Reno a la Elbe sola un ves, cual ia fali con la Batalia de la Foresta Teutoburg en 9 ec, pos cual los no ia atenta denova. En la eda medieval, la Elbe ia es la limita este de la Impero de Carlo la grande. La partes navigable de la rio ia es ance esensal a la susede de la Alia Hansa e multe comersia ia aveni longo sua curso.