Rio Pripiat
La Rio Pripiat (ucrainsce: Прип’ять, bielarusce: Прыпяць) es un rio en Europa este, sirca 761 km de longia, cual core este tra Ucraina, Bielarus, e ancora Ucraina, drenante en la Rio Dnepr.
La Rio Pripiat traversa la zona de esclui cual ia es declarada sirca la loca de la desastre nucleal de Txornobil. La site de Pripiat (45,000 persones) ia es tota evacuada pos la desastre en 1986, e es aora un site abandonada.
Longo la rio es la Pantan Pripiat (acc la Pantan Pinsc), un rejion natural vasta de Brest en la ueste, a Mogilev en la norde-este e Ciiv en la sude-este. Lo es un de la pantanes la plu grande en Europa. La site de Pinsc es un de la plu importante en la area.
Istorial, per la parte grande de la anio, la pantan es cuasi nonpasable a fortes militar, cual ia influe stratejia en tota ativia militar en la rejion. En la Geras de Justitian, par la istorian roman Procopio, es un nara ce dise ce la slavicas temprana ia asconde se de enemis en la pantanes par respira tra canas.