Ciiv (ucrainsce: Київ) es la capital e la site con la plu abitores en Ucraina. Lo es locada en Ucraina norde-sentral longo la Rio Dnepr. La cuantia de abitores en 2019 ia es 2,950,800, la site ses de la plu abitada en Europa. Ciiv es un sentro importante en Europa este per industria, siensa, educa, e cultur. Lo inclui multe industrias multe tecnical, universias, e monumentos istorial. La site ave un sistem grande de transporta publica, incluinte la Metro Ciiv.

Ciiv
Київ


Un imaje de Ciiv de spasio
Pais Ucraina
Rejion
Area 839 km²
Popla 2,950,800 ab. (2019)
Densia 3,299 abitores/km²

La nom de la site es posible de la nom Kyi, un de la cuatro fundores lejendal. En sua istoria Ciiv, on de la sites la plu vea en Europa este, ia pasa tra alga pasos de importa e oscuria. La site probable esiste como un sentro comersial tan temprana como la sentenio 5. Un vila slavica sur la via grande de comersia entre Scandinavia e Constantinopoli, Ciiv ia paia tribui a la Hazares, asta sua catura par la varangianes (vicinges) en la media de la sentenio nove. Su la rena de la varangianes, la site ia deveni un capital de la Rus ciivan, la stato este slavica prima. Lo ia es tota destruida en la invades de la mongoles en 1240 e ia perde la parte grande de sua influe per sentenios a ante. Lo ia es un capital provinsal de importa minima a la frontera de la teritorios controlada par sua visinas, prima Lietuva, alora Polsca e Rusia.

La site ia flori denova en la Revolui Industrial de la Impero Rusce en la sentenio 19 tarda. En 1918, pos cuando la Republica Nasional Ucraina ia declara sua autonomia de Rusia Soviet, Ciiv ia deveni sua capital. De 1921, Ciiv ia es un site de la Republica Sosialiste Soviet de Ucraina, ia es proclamada par la Armada Roja, e de 1934, Ciiv ia es sua capital. La site ia es cuasi completa ruinada en la Gera Mundal 2, ma ia recovre rapida en la anios pos la gera, restante la site tre de grandia en la Uni Soviet.

Seguente la colasa de la Uni Soviet, e la autonomia de Ucraina en 1991, Ciiv reta como la capital e esperia un enflue de migras de etnico ucrainsce de otra partes de la nasion nova e otra partes de la Uni Soviet pasada. En la cambia a democratia e un economia de mercato, Ciiv ia continua como la site la plu grande e la plu rica en Ucraina. Sua produi de armas e otra cosas militar descrese pos la colasa, cual afeta negativa la siensa e tecnolojia, ma nova areas de la economia, como servises e finansia ia fasili la crese de Ciiv en salarios e investis, e furninte suporta finansial per la developa de construi e infrastrutur. Ciiv es aora la rejion de Ucraina la plu pro-ueste, e partitos ci promove integra plu streta con la Uni European ia domina en la elejes resente.

Sporte edita

La club de futbal Dinamo Ciiv ave su casa en la site. Dinamo Ciiv es internasional e nasional la plu susedosa club de futbal de Ucraina.