Scaramuxa per Africa
La Scaramuxa per Africa ia es la ocupa, divide e coloni de la teritorio african par potias european en la periodo de Imperalisme Nova, entre 1881 e 1914. En 1870, sola la 10 persento de Africa ia es su controla european; en 1914 lo ia aumenta asta la 90 persento de la continente, con sola Itiopia, la stato Darvix (oji Somalia) e Liberia esente ancora nondependente. On ia ave multe motivas incluinte la concista de prestijia nasional, tensas entre potias european, zelo misionor relijiosa e la politica african nativa interna.
La Confere de Berlin de 1884, cual ia regula la coloni e comersia european en Africa, es usual refereda como la punto ultima de la scaramuxa per Africa. La resulta de la compete economial e political entre la imperos european en la cuatri ultima de la sentenio 19 ia es la divide de Africa per evita lutas entre los per Africa. La anios ultima de la sentenio 19 ia vide un cambia de "imperalisme nonformal" (ejemonia) par influe militar e domina economial, a governa direta, realinte la imperalisme colonial.