Senglar
La senglar (Sus scrofa), ance conoseda como un porco savaje, es un suido (la familia de porcos) nativa a la plu parte de Eurasia, Africa norde, e la Isolas Sunda major. Umanas ia sperde sua distribui plu, resultante en esta spesie deveni un de la mamales la plu vasta sperdeda en la mundo. Sua estende, cuantia, e ajustablia resulta en la IUCN clasi los como de un "conserna minimal", e los ia deveni un spesie invadente en parte de sua estende. La senglar probable ia orijina en Asia sude-este en la plestosene temprana e ia compete forte con otra spesies de la familia suido.
.jpg)
Per 1990, sirca 16 suspesies ia es reconoseda, cual pote es divideda en cuatro grupos rejional, fundida sur la altia de la cranio e longia de la oso larmal. La spesies vive en sosias matriarcial composada de femas interelatada e sua enfantes (mas e fema). Mases matur es tipal solitar estra la saison de reprodui. La lupo gris es la predor major de la senglar en la plu parte de sua rejion, estra Asia este e a la Isolas Sunda minor, do la lupo es reponeda par la tigre e la comodo, en ordina. La senglar ave un istoria longa de asosia con umanas como un ojeto de xasa per milenios, e ia es la asendente de la plu de razas de porcos domada. Senglares ia comensa ibridi denova en desenios resente con otra spesies de porcos; esta ibrides ia deveni un peste seria en Australia, Canada, la SUA, e America latina.