America latina
America latina es un nom comun usada per distingui la partes de America Norde e Sude en cual la linguas espaniol e portuges (pd linguas "latina") es la plu comun, pd tota partes estra la SUA e Canada, an si la SUA inclui multe parlores de espaniol e otra linguas romanica e Canada inclui spesial Quebec, en cual la plu de parlores parla franses (ance un lingua romanica). Lo no es un nom ofisial, e alga interpretes diferente esiste. Per esemplo, alga referes inclui Quebec; alga referes no inclui la areas de America Sude e America sentral, como la Guianes ((Guiana, Guian Franses, e Suriname), Beliz, e ance la isolas en cual on parla engles, franses, e nederlandes. Lo es un area plu vasta ca los indicada par "Ibero-America" o "America ispanica".
.svg)
La terma America latina ia es prima usada en un confere en 1856 con la titulo "Inisia de la Americas: Idea per un congresa federal de la republicas", par la politicor txilean Francisco Bilbao. La terma ia es ance usada par la governa franses de Napoleon 3 en la desenio de 1860 en la forma Amerique latine per considera la teritorias franses (Quebec, Lousiana, Guian Franses, Aiti, Guadelupe, Martinic, San Marten,
La terma "America latina" indica ance la istoria colonial de la area, cual inclui la privada de la americanes orijinal, la importa de sclavos - du cualias compartida par America nonlatina - e la influe forte de la tradisiones e relijio (catolica) de Portugal e Espania (la "cultur iberian") en ajunta a la linguas e sua leteratur vasta. La influe jeneral de la americanes orijinal e la desendentes de sclavos african sur la arte, musica, e dansa es ance importante. Alga persones usa la espresa "America latina" per forti la senti de unia entre la popla de la area, en un modo simil a la idea de "la Raza", e spesial contra la influe forte de "America engles" (spesial la SUA) sur la economias, governas, e cultur popular de America latina.
Vide ance America Sude, America sentral, Paises de la Mar de Caribe, Mexico, e paises individua de la area.
La nasiones tipal incluida en America latina:
- Aiti
- Arjentina
- Bolivia
- Brasil
- Colombia
- Costa Rica
- Cuba
- Ecuador
- Guatemala
- Mexico
- Nicaragua
- Onduras
- Panama
- Paraguai
- Peru
- Porto Rica
- Republica Dominican
- Salvador
- Txile
- Uruguai
- Venezuela
Esta isolas en cual on parla franses es ance comun incluida: