Shogi

Shogi (japanes: 将棋, shōgi; o elefen: xogi), ance conoseda como xace japanes o la jua de jenerales, es un jua de table per du juores, nativa a Japan. Lo es en la mesma familia como xace, chaturanga, xiangqi e otras. La nom sinifia "jua de table de jenerales".

Un table e pesos de shogi

La locas de la pesos a la comensa de un jua

La table e tables ladal per la pesos caturada

Du omes, juante shogi a la parce Ueno, en 2014

Shogi ia es la varia de xace prima cual ia permete pesos caturada per reveni a la table par la juor caturante. Esta regula de "cade" ia es inventada en la sentenio 15, e es liada posible a la pratica de mersenarios cambia sua fida cuando caturada en loca de es matada.

La presedente la plu temprana de la jua, chaturanga, ia orijina en India en la sentenio 6. Shogi como juada oji ia es juada tan temprana como la sentenio 16, ma un asedente direta sin la regulas de cade ia es recordada de 1210 en un testo istorial (Nichureki), cual es un copia editada de Shochureki e Karichureki de la periodo Heian tarda (sirca 1120).

La jua

Du juores fasa lunlotra a un table composada de retangulos en un grilia de 9 linias (pd retangulos orizonal, 段) par 9 colonas (pd retangulos vertical, 筋), per un table de 81 retangulos. La juores es nomida sente (juor prima) e gote (juor du), ma en la ueste, los es nomida "negra" e "blanca", con "negra" la prima juor.

Cada juor ave un colie de 20 pesos, plata cuneos de 5 lados. Estra la res, la pesos oposante no difere en color o marcas. En loca, la pesos fasa a ante con la punto de los dirijeda a la otra juor. Esta es la sola indica de cual juor controla la peso. La pesos, de la plu grande a la plu peti es:

• un re
• un tore (caro)
• un bispo
• du jenerales oro
• du jenerales arjento
• du cavaleros
• du lansores
• nove peones

(Alga de la nomes ia es elejeda per coresponde a sua egales aprosima en xace, e no como traduis leteral de la nomes japanes.)

La pesos

Cada peso ave sua nom scriveda sur la surfas en la forma de du canji (sinias xines usada en japanes), tipal en inca negra. A la lado reversa de cada peso (estra la res e la jenerales oro) es un o du otra sinias, per indica la valua de la peso si lo ia es promoveda (vide a su).

nom en elefen	imaje	canji	romaji	sinifia	cortis			move
Re (juor superior)		王將	ōshō	jeneral re	K	王	ō	Un cuadro en cualce dirije
Re (juor inferior)		玉將	gyokushō	jeneral joala	K	玉	gyoku	Un cuadro en cualce dirije
Tore		飛車	hisha	caro volante	R	飛	hi	Cualce cuadros ortogonal
Tore levada ("Dragon")		龍王	ryūō	dragon re	+R	龍 o 竜	ryū	Como la caro, o como la re
Bispo		角行	kakugyō	movente diagonal	B	角	kaku	Cualce cuadros diagonal
Bispo levada ("cavalo")		龍馬	ryūma o ryume	cavalo dragon	+B	馬	uma	Como la bispo, o como la re
Jeneral oro ("oro")		金將	kinshō	jeneral oro	G	金	kin	Un cuadro ortogonal en cualce dirije, o un cuadro diagonal a ante
Jeneral arjento ("arjento")		銀將	ginshō	jeneral arjento	S	銀	gin	Un cuadro diagonal en cualce dirije, o un cuadro ortogonal a ante
Jeneral arjento levada		成銀	narigin	arjento levada	+S	(全)	—	como la jeneral arjento
Cavalero		桂馬	keima	cavalo de casia	N	桂	kei	Un cuadro ortogonal a ante e un cuadro diagonal a ante; nunca a retro o a lado
Cavalero levada		成桂	narikei	casia levada	+N	(圭 o 今)	—	como la jeneral arjento
Lansor		香車	kyōsha	caro de insenso	L	香	kyō	cualce cuadros ortogonal sola a ante, nunca a retro
Lansor levada		成香	narikyō	insenso levada	+L	(杏 o 仝)	—	como la jeneral arjento
Peon		歩兵	fuhyō	soldato a pede	P	歩	fu	Un cuadro ortogonal a ante, nunca a retro
Peon levada ("tokin")		と金	tokin	ateni oro	+P	と ( o 个)	to	como la jeneral arjento

Leva

La zona de promove es la tre linias la plu distante de la juor. Cuando un peso es moveda, si la via de la peso fini o crusi la zona, la juor ave la eleje de leva la peso a la fini de sua move. Esta es indicada par reversa la peso, cual revela la sinia de la peso levada.

Si un peon o lansor es moveda a la linia la plu distante, o un cavalero es moveda a un de la du linias la plu distante, la peso debe deveni levada. Un jeneral arjento no debe es levada, e a veses, lo es un vantaje per reteni lo como arjento, car lo pote retira si nesesada. Un tore, bispo, e un peon es cuasi sempre levada.

Cade

Pesos caturada es retenida a la lado destra, prosima a la juor caturante. En cualce turno, un de esta pesos caturada pote es reponeda a la table, la lado nonlevada a supra e fasante la juor oposante, sur cualce cuadro vacua. Un cade composa un turno. On peso cadeda no pote catura un peso o es levada en la mesma turno. A la turno seguente, lo pote es usada como un peso normal.

On ave tre restrinjeda a la cade de pesos. Restrinjes 2 e 3 es sola per peones:

• Pesos no pote es cadeda sur linias en cual sua moves legal ta es prevenida. Per esta razona, un peon, cavalero, e lansor no pote es cadeda sur la linia final, o, per la cavalero, a la linia ante la linia final.
• Peones no pote es cadeda a un colon cual conteni un otra peon nonlevada de la mesma juor. Per esta razona, a veses un juor sacrifia un peon per abri locas per cade los.
• Peones no pote es cadeda a un loca cual crea un xacemata direta. Otra pesos no nesesa segue esta regula. E un peon pote es cadeda a un loca cual causa un xace, si lo no es un xacemata. Ma un pote xacemata un re con un peon cual es ja sur la table.

Xace e xacemata

Cuando un move par un juor menasa la re enemin, pd ariva a un loca de cual la peso pote catura la re en la turno seguente, la move es nomida un xace. La posesor de acel re debe sutrae esta situa si posible. Si lo no es posible, lo es un xacemata (tsumi 詰み).