Xiangqi
Xiangqi (Xines: 象棋; pinyin: xiàngqí; lfn pronunsia: xiangtxi) es un jua de table per du juores. Lo es un de la juas de table la plu popular en Xina, e es en la mesma familia como xace, chaturanga, shogi, e janggi. Estra Xina e areas con comunias xines, xiangqi es ance popular e Vietnam, do lo es nomida cờ tướng.
La jua representa un batalia entre du armadas, con la ojeto de catura la jeneral (re) de la enemi. Cualias cual distingui xiangqi de otra formas de xace inclui la canon (pao), cual debe salta per catura; un regula cual proibi la jenerales de fasa lunlotra direta; areas sur la table nomida la rio e la palasio, cual restrinje la move de alga pesos e boni la move de otras; e la pone de pesos sur la crusas en loca de en la cuadros.
Un jua nomida xiangqi ia es notada como dati a a periodo de la Statos Gerante. Seguente la testo Shuo Yuan, de la sentenio 1 aec, lo ia es un interesa de la Senior Mengchang de Qi. Ma la regulas no es descriveda, e donce no pote es nesesada ce lo es relatada a la jua de oji. La Imperor Wu de Zhou Norde ia scrive un libro en 569 ec nomida Xiang Jing. Lo ia descrive la regulas de un jua con un tema astronomial nomida xiangqu o xiangxi, traduida como la jua de elefante o la jua de figures, car la marca 象 sinifia ambos e es pronunsiada la mesma. Lo es probable ce la jua es derivada de la juas de India, como chaturanga.
La table
editaLa table ave nove linias orizonal (nomida xian, linia) e des linias vertical (nomida lu, rua). A linias 1, 2, e 3 (e 8, 9, e 10) a ruas 5, 6, e 7, du diagonales crusinte es marcada per indica la du gong (casteles). La re pote move sola en sua castel. Dividente la du armadas, entre la linias 5 e 6, es he, la rio. An si la rio furni un divide vidal entre la du campos, sola du pesos es afetada par lo: soldatos ave un move bonida pos crusi la rio, e elefantes no pote crusi lo.
La jua comensa con la pesos poneda como en la imaje a supra. Cada juor, alternante, move un peso de la punto lo ocupa a un otra punto. Pesos no pote move jeneral tra un punto ocupada par un otra peso. Un peso pote move a un punto ocupada par un peso enemin, en cual la peso enemin es caturada e estraeda de la table.
La jua fini cuando un juor catura la jeneral de la otra. Cuando la jeneral es menasada par catura par la enemi a la move seguente, la enemi ia xaceda (jiang), cual debe es proclamada. Si la juor no pote move per preveni la catura de sua jeneral, la situa es alora xacemata. No como en xace, si la jua no pote progresa, la juor ci no pote move es videda como perde la jua.
La pesos
editaCada juor controlas un armada de 16 pesos, tipal colorida roja e negra. La pesos es discos, marcada con sinias xines cual identifia la peso, e en un colo cual identifia la juor. Pesos moderna es comun plastica, ma algas es de lenio, e juas cara pote usa jada. La pesos de cada armadas es marcada alga diferente. En Xina continental, la plu de juas usa ancora la sinias tradisional (no la sinias simplida). En edas antica, la campos no es distinguida par color, e per esta razona, la sinias difere entre la du.
La jenerales
editaLa jenerales es marcada con 將 (jiang, jeneral) per la campo negra, e 帥 (shuai, marexal) per la campo roja. La jenerales comensa a la media de la borda en la palasio. Lo pote move e catura un punto direta, ma no pote sorti de la castel, con un eseta: La du jenerales no pote fasa lunlotra sin pesos entre los.
La gardores
editaLa gardores es marcada con 士 (shi, gardor) per la campo negra, e 仕 (shi, gardor) per la campo roja. Esta es sola du formas de la mesma parola. Los comensa a cada lado de la jeneral. Los move e catura un punto diagonal e no pote sorti de la palasio.
La elefantes
editaElefantes es marcada con 象 (xiang, elefante) per la campo negra, e 相 (xiang, ministro) per la campo roja. La nomes es omofones en xines. Elefantes no pote crusi la rio, e servi como pesos de defende. Car sua moves es tan restrinjeda, lo pote es fasil trapida o menasada. Los comensa a cada lado de la gardores, e move e catura esata du puntos diagonal e no pote salta supra pesos interveninte.
La cavalos
editaCavalos es marcada con 馬 (ma, cavalo) per la campo negra e 傌 (ma, cavalo) per la roja. Los comensa la jua a la lado estra la elefantes. Los move e catura un punto direta e un punto diagonal avia de sua loca orijinal. Lo no pote salta como la cavalero en xace, e pote es blocida.
La caros
editaCaros es marcada con 車 (ju, caro) per la campo negra e 俥 (ju, caro) per la roja. Juores xines a veses usa la parola engles "car" (auto), car esta es la sinifia moderna de la sinia 車. La caro move e catura cualce distantia direta, ma no pote salta supra otra pesos. Los comensa a la puntos a la angulos de la table. Lo es comun videda como la peso la plu forte en la jua per sua libria de move e manca de restrinjes.
La canones
editaCanones es marcada con 砲 (pao, lansapetra) per la campo negra, e 炮 (pao) per la roja. La nomes es omofones. Cada juor ave du canones, cual comensa a la linia pos la soldato, du punto ante la cavalos. Canones move como caros, cualce distante direta sin salta, ma sol pote catura par salta un peso singular, ami o enemi, longo la via de la ataca, entre la canon e la ojeto. La cuantia de puntos entre la canon e la peso media, o entre la peso media e la ojeto, pote es cualce o no puntos.
La soldatos
editaLa soldatos es marcada con 卒 (zu, peon) per negra e 兵 (bing, soldato) per roja. Cada campo comensa con sinco soldatos. Los comensa sur via 1, 3, 5, 7, e 9, un punto a via de la borda de la rio. Los move e catura par avansa un punto. Pos cuando los ia crusi la rio, los pote ance move e catura un punto orizonal. Soldatos no pote move a retro, e donce no pote retira. Pos ateni la linia final de la table, un soldato pote ancora move orizonal a la borda de la enemi.