Silurian
La silurian es un periodo jeolojial cual estende 24.6 milion anios de la fini de la periodo ordovician, a 443.8 milion aaa, a la comensa de la periodo devonian, 419.2 milion aaa. Lo ia comensa pos un serie de avenis major de estingui ordovician-silurian, cuando sirca 60% de jeneras maral ia es estinguida.
Un aveni sinifiante de evolui en la silurian ia es la diversi de pexes con mandibulas e pexes ososa. Vivente multiselulal ia comensa apare sur tera en la forma de plantas vascular simil a briofitos cual crese longo lagos, rietas, e costas. Artropodos ia trova tera ance en la silurian, ma no ia diversi multe asta la devonian.
La supracontinente Gonduana ia covre la ecuator e la plu parte de la emisfera sude, e un mar grande Pantalasa ia covre la plu parte de la dui norde de la globo. La niveles alta de mares en la silurian, e la tera relativa plana (con poca cadenas de montes sinifiante) ia resulta en un cuantia de cadenas de isolas, e donce un diversia rica de ambientes.
La silurian ia ave temperatures calda e relativa stable, contrastante con la glasis estrema de la ordovician, e la caldia estrema de la devonian cual segue. En esta periodo, Tera ia entra un fase longa e calda de inverneria, suportada par niveles alta de CO2, e mares basa e calda ia covre la plu parte de la rejiones ecuatoral.
La silurian ia es la periodo prima con megafosiles de viventes teran, en la forma de forestas miniatur de mos longo lagos e rietas. Ma animales teran no ia ave un rol major asta los diversi en la devonian. La animales prima cual ia es tota ajustada a situas teran ia apare en la silurian media, incluinte la milipede pneumodesmo.
La fosiles prima de plantas vascular, pd plantas teran cual porta acua e nuri, ia apare en la dui du de la silurian. La esemplos la plu temprana de estas es la cooksonia. La plu parte de la depone cual conteni cooksonia es marin, e la abitadas prefereda ia es longo lagos e rietas. Baraguanatias es cuasi tan vea, datida a 420 milion aaa, e ave troncetas raminte e folias agin de 10 a 20 cm.
La pex ososa prima - la ]]osteicte]]s - ia apare, representada par la acantodianes covreda con scamas ososa. Pexes ia ateni sinifiante diversia e ia developa mandibulas movable, developada de la suportas de la du o tre arcos fronte de brancias. Un colie diversa de euripteridos (scorpiones de mar) - algas multe metres de longia - ia preda en la mares basa de America Norde. Sucasangues ia apare ance esta la silurian. Braciopodos, briozones, moluscos, hederloides, tentaculitoides, crinoides, e trilobites ia es abundante e diversa.
Per plu informa, vide la scala de edas jeolojial.
Galeria
edita-
Cooksonia, la planta vascular la plu temprana, de la silurian media -
Pneumodesmus newmani es un spesie de milipede, la miriapodo prima, e la animal cual abita prima la tera -
Un euripterido comun de la silurian alta -
Guiyu oneiros, la pex ososa la plu temprana, vivente en la silurian tarda, 419 milion anios aaa
