Sindrom de ativi de mastosites

La sindrom de ativi de mastosites (SAM) es un tipo de maladias de ativi de mastosites (MAM), e es un problem de imunia en cual mastosites relasa nonconveninte e esesosa medias cimical, resultante en un estende de sintomes cronica, a veses incluinte anafilaxia o cuasi anafilaxia. Sintomes xef inclui problemes cardiovasculal, dermatolojial, gastrointestinal neurolojial, e respiral.

Mastosites, con medias como istamina e sitocines

No como mastositose, un otra tipo de MAM, en cual pasientes ave un cuantia nonormal grande de mastosites, pasientes con SAM ave un cuantia normal de mastosites cual no funsiona coreta e es definada como "iperrespondente". SAM es ancora un sindrom no bon comprendeda e es un topica corente de rexerca.

SAM es comun trovada en pasientes con la sindrom de Ehlers-Danlos (SED) e la sindrom de tacicardia ortostatic (STO). Lo no es asosiada con imunodebilia e pasientes con imunodebilia no ave un risca plu grande per SAM.

Sintomes

SAM es un maladia cual afeta sistemes multiple, jeneral en un modo inflamante. Sintomes veni e vade tra tempo, variante en severia e dura. Multe sinias e sintomes es la mesma como los per mastositose, car ambos problemes resulta en tro multe medias relasada par mastosites. Lo ave multe cualias supraponeda con anafilaxe idiopatica e recorente, an si on ave sintomes distinguinte, spesial urticaria e anjioedema.

Sintomes comun inclui:

Dermatolojial

• roji
• urticaria
• ematomi fasil
• pruri
• senti de arde
• dermatografia

Cardiovasculal

• vertigo, desmaia, aritmia, tacicardia

Gastrointestinal

• diarea e/o constipa, descomforta intestinal
• nausea, vomita
• engoli difisil, garga streta

Psicolojial e neurolojia

• nebla serebral, malfunsiona de memoria de corta dura, recorda difisil de parolas
• dole de testa, migrainias
• comorbida sintomes como ansia, depresa, penduli de umor

Respira

• conjesta, tose, respira ruidosa
• rinite nonalerjial con sindrom eosinofilia
• apnea impedinte de dormi

Vide/Oios

• descomforta oculal, conjuntivite
• rojia

Jeneral

• fatiga e descomforta jeneral
• alerjias o nontoleras de comedas, medisines, e cimicas (spesial bonodores)
• nontolera de fria e caldia

Osteoporose e osteopenia no es sintomes de maladias de ativa de mastosites.

Si tro multe medias es introduida a la sangue, la pasiente pote ance esperi anafilaxe, cual inclui respira nonfasil, uricaria prurinte, roji o pali de la pel, senti de caldia, pulsa rapida e debil, nausea, vomita, diarea, marea e desmaia.

Sintomes pote es causada o malida par ativintes, cual varia vasta e difere per cada pasiente:

• comedas e bevis spesifada, spesial alcol, comedas conteninte alta istamina, e ajuntas cual relasa istamina como sulfites.
• estremas de temperatura
• odores airal incluinte bonodores o fuma
• eserse o labora esesosa
• stresa emosial
• cambias de ormonas, spesial en adolese, ensintia, e menstrua

Trata

Tratas farmacolojial comun inclui:

• stablintes de mastosites
• H1 antiistaminas
• H2 antiistaminas
• antileucotrienes
• medisines antiinflamante nonsteroidal

Nota ce ajuntas como tinjes e plenintes en multe medisines comun causa reatas, alora formulas diferente debe es considerada.

Cambias de modo de vive pote ance es nesesada. Evita de ativintes es importante. Nota ce pasientes pote posible reata a cualce otra esposa, incluinte comedas, bevis, medisines, microbios, e fuma par inspira, injesta, o toca.

Un dieta nonistiminal e otra dietas eliminante pote es usosa en identifia comeda cual ativa o mali sintomes. Multe pasientes ave ja niveles alta de istaminas, donce alga comedas pote mali multe sintomes como vasodilata cual causa desmaia e palpitas.

Prognose

On no ave un remedia per SAM. Per la plu de persones, sintomes veni e vade, ma multe pote esperi un mali jeneral tra tempo. La estende de vive per persones con SAM pare es normal, ma cualia de vive pote estende de descomforta nonestrema a descapasi sever. Alga pasientes es sufisinte descapasida per no es capas per labora.