Abri la menu xef
La barcon Mayflower en la porto de Plymouth
La suscrive de la Mayflower Compact en 1620, depintada par Jean Leon Gerome Ferris, 1899

Stephen Hopkins (stiven hapcinz, 30 april 1581 a 6 junio o 17 julio 1644) ia es batizada a 30 april 1581 a Upper Clatford, Hampshire, England, la fio de John Hopkins e Elizabeth Williams. El ia es un pasajor sur la Mayflower en 1620, un de 41 suscriventes de la Mayflower Compact e un aidor a la governor de la colonia a Plymouth tra 1638. El ia labora como un tanor e mercator e ia es enscriveda par la Company of Merchant Adventurers of London per furni la governa per la colonia e per aida con la emprende de la colonia. El ia es la sola pasajor sur la Mayflower con esperia en la mundo nova, pos survivente la ruina de un barcon en Bermuda en 1609.

Aventuras temprana en la mundo novaEdita

En 109 temprana, Hopkins ia comensa sua emplea como un secretor per un eglesor, lejente libros relijiosa a un congrega cual ia inclui membros de la Virginia Company. A 2 junio 1609, Hopkins ia departe de sua sposa e familia, e en sua rol como secretor, ia vade per Jamestown, Virginia sur la Sea Venture, un 300 ton barcon prima de un marineta gidada par Sir George Somers. La Sea Venture ia porta la governor nova de Jamestown, Sir Thomas Gates, a sua posto. En ajunta, lo ia furni la colonia con benes e colonistes nova.

Pos cuasia du menses en la viaja, un tempesta sever ia separa la barcones de la marineta a 24 julio 1609, e a la sera la tempesta ia deveni plu mal e lo continua per sinco dias. Cuando la Sea Venture ia es a punto de afonda de dana, on ia clama "tera!" per vide de la "isola de diabolas", Bermuda. La barcon ia es forsada a tera sirca un milia de la costa, per preveni afonda. La survivores ia descovre pronto ce Bermuda ia es un paradiso, con acua e comedas abundante. Hopkins es crededa como ia sujeste ce los no ia es engardada per sua suportores en England e ce los debe institui un contrata sosial fundida sur prinsipes democratal.

A 1 setembre 1609, un mense pos la ruina e pos los ia reconstrui sua barco longa de sua barcon per un viaja a mar, los envia oto omes a mar per ateni Jamestown per retrae aida, ma los ia reveni nunca. En november tarde de 1609, los ia comensa la construi de barcos sufisinte per porta tota de la isola. Par janero 1610, an si Stephen Hopkins ia resta con la grupo de governor Gate, el ia comensa mostra sua nonsasia con la governa de Gates e dutante sua autoria. Hopkins ia es arestada e acusada de rebela, per cual la condena ia es mori. Multe persones ia suplica per pardona per el, e el ia reseta lo. El ia sesa declara sur cosas controversal.

La engles en Jamestown e los plu tarde en la colonia de Plymouth ia es la antiteses de lunlotra - con los en Virginia composada de xefes con titulos ci ia es encargada con colonistes comun nonesperiada e soldatos ci ia es veteranes de la geras european, como capitan John Smith. Tota a Jamestown ia es focada sur la taxe de envia un profita a sua investores en London, e ia es su multe stresa cuando no oro, minerales, o cualce cosa de multe valua per London ia es trovada en a area de la Baia Chesapeake. La colonistes no pote o no vole cultiva e ia atenta troca per comedas con la orijinaes e, plu tarde, ia fura comedas de los, cual resulta en multe violentia, cual ia continua per anios.

A 10 maia 1610, du barcones nova construida ia departe de Bermuda con tota embarcada e arivante a Jamestown 11 dias plu tarde. Cual los ia descovre ia es ce la colonistes en Jamestoown ia es morinte de fame. Los ia teme vade estra sua fortres e ia destrui sua casas per lenio de foco. Los no ia planta, o troca con la orijinales, o pexa. Multe de esta ia aveni car alga colonistes ia senti ce labora ia es su sua dinia e la maltrata violente cual los dona a la persones nativa, cual ia causa ce la nativas ia deveni enemis de la engleses. A sua ariva de Bermuda, governor Gates ia estima ce los ia ave sola dias de comedas restante, e ia deside viaja a Newfoundland e de ala trova un barcon viajante a England. Cuando los ia es preparada per departe, un barcon engles ia veni en la porto con furnis e colonistes nova, con un governor nova, Senior de la Warr (de ci la stato de Delaware ia es nomida). La colonistes ia es forsada a reveni e reinstitui sua fortres, an si esitante.

Reveni a EnglandEdita

Un reporta de la ruina de la Sea Venture e avenis plu tarda ia ateni England. La plu de eruditas crede ce William Shakespeare ia fundi sua presente The Tempest (La tempesto) sur la reporta. Lo ia es prima presentada en november 1611. La presenta representa la esperias de un grupo de pasajores de un barcon ruinada par un tempesto forte. Un sutrama inclui un carater comica nomida Stephano, ci atenta prende controla como xef sur la isola. Lo es posible ce Stephano ia es fundida sur Stephen Hopkins.

En cuando e ia es a via, Mary, la sposa de Stephen, ia survive como un mercator como ance resetante alga de la salario de Stephan. Ma el ia mori nonespetada en maia 1613, lasante sua tre enfantes joven solitar. Par 1614, un letera per Hopkins ia ariva en Jamestown e, aprendente de la mori de sua sposa, el ia reveni a Engand pronto per cura per sua enfantes. El ia move a London, e ala el ia sposi sua sposa du, Elizabeth Fisher.

An ce el ia esperia multe modos de sufri en la mundo nova, incluinte ruina, esente condenada a mori, e viajante a Jamestown do el labora per alga anios, cuando el ia aprende de la viaja projetada a Virginia norde per institui un colonia, el ia enscrive per vade a America con sua famiia.

La viaja de la MayflowerEdita

Stephen Hopkins e sua familia, composada de sua sposa Elizabeth e sua enfantes Constance, Giles, e Damaris, con du servantes, departida de Plymouth, England, sur la Mayflower a 6/16 setembre 1620. La barcon peti de 100 pedes (30 m) ia ave 102 pasajeros e un ecipo de sirca 30 o 40 en un situa multe streta. Par la mensa du a avia, la barcon ia es bateda par ventos ueste forte, caul causa ce la faxones de la barcon ia es multe scudeda, con selintes falinte a esclui la acua de mar, e con pasajeros molida e malada, an cuando los ia es reposante en sua letos. Esta, combinada con la manca de comeda e acua e states nonsana per menses. A la viaja on ave du moris, un membro de la ecipo e un pasajero, ma la aveni la plu mal ia es ancora aveninte pos la ariva a sua destina, cuando, in alga menses, cuasi dui de la pasajeros ia mori en la inverno fria, sever, e nonfamiliar de New England.

A 9/19 novembre 1620, los ia vide tera, cual ia es la Cape Cod Hook, aora nomida Provincetown Harbor. Pos alga dias de atentante naviga a sude a sua destina intendeda de la colonia de Virginia, mares forte de inverno ia forsa los a reveni a la porto a la Cape Cod Hook, do el ia ancori a 11/21 novembre. La Compact de la Mayflower ia es suscriveda a acel dia.

La Mayflower ia es orijinal vadente a la colonia de Virginia, finansiada par la Company of Merchant Adventurers of London. Tempestos ia forsa ce los ancori a la Cape Cod Hook en Massachusetts, car lo no ta es razonable per continua con furnis minimal. Esta ia inspira alga pasajeros nonpuritan (ci la puritanes ia refere a como "stranjeres") a proclama ce los ta "usa sua propre libria; per nun ia la potia per comanda los" car los no ta coloni en la teritorio de Virjinia intendeda, posible fundida sur la esperia de Hopkins en Bermuda. Per preveni esta, la colonistes ia desideda per institui sua propre governa en cuando ancora afirmante sua alia a la corona de England. Lo ia es esensial un contrata sosial en cual la colonistes ia consenta per segue la regulas de la comunia e regulas per la causa de ordina e survive.

En la colonia de PlymouthEdita

Hopkins ia es un membro de la grupo esplorante temprana de la Mayflower en cuando la barcon ia es ancorida a Cape Cod. El ia es bon esperiosa en la tecnicas de xasa e modo de vive de la americanes orijinal de sua anios en Jamestown, cual ia es trovada plu tarde como usosa per la xefia de la colonia.

La encontra prima formal con la nativas ia es conduida a la casa de Hopkins, e el ia es encargada con la taxe de partisipa en la visitas temprana con la xef de la nativas, Massasoit. Tra la anios, la asista de la xefes de la colonia como Myles Standish e Edward Winslow regardante sua sabia de linguas local ia es multe usosa.

Stephan ia es un aidor a la governor tra 1636, e ia bonvole per la Gera de Pequot de 1637 ma ia es nunca comandada per servi. A la desenio de 1630, Stephen ia comensa a disputa con la autorias de Plymouth, spesial car el ia abrida un taverna en cual el ia vende alcol, de cual la puritanes no aproba.