Wilhelm 2, Imperor de Deutxland
Wilhelm 2 (Friedrich Wilhelm Viktor Albert; 27 janero 1859 – 4 junio 1941) ia es la imperor (deutx: Kaiser) final de Deutxland e la re de Prusen, renante de 15 junio 1888 asta sua renunsia a 9 novembre 1918, ante la defeta par Deutxland en la Gera Mundal Prima. El ia es la neto la plu vea de Rea Victoria de la Rena Unida e ia es relatada a multe monarcas e prinses de Europa, notable sua cusinas Re George 5 de la Rena Unida e Imperor Nicolai 2 de Rusia.
Pos cuando el asede la trono en 1888, el ia dejeta la canselor, Otto von Bismarck, en 1890. El ia lansa ance Deutxland a un "nova via" de gerosa en cosas stranjer cual ia culmina en sua suporta per Osteraic-Magiar en la crise de julio 1914, cual ia resulta en un poca de dias en Gera Mundal Prima.
Bravatosa e fretante, a veses el ia proclama nontatosa sur sujetos sentosa sin consultante sua ministros, condui cual ia culmina en un intervisa desastrosa en la jornal brites The Daily Telegraph en 1908, cual ia custa el la plu parte de sua influe. Sua jenerales xef, Paul von Hindenburg e Erich Ludendorff, ia controla politica la governa en la Gera Mundal Prima sin multe conserna per la governa sivil. Un xef nonsusedosa en gera, el ia perde la suporta de la armada, ia renunsia a 9 novembre 1918, e ia fuji a esclui en Nederland, do el mori en 1941.