Astronomia

Esta es la article sur astronomia. La categoria Astronomia conteni plu articles sur astronomia.

Astronomia (elinica αστρονομία = άστρον + νόμος, astronomia = astron + nomos, leteral, "lege de la stelas") es la siensa de fenomenos sielal, de cual sua orijina es estra la atmosfera de la Tera.

Aristotele ia indui un perspectiva nova de la vide universal, separante la model astronomial de la astrolojial.

Astronomia es un de la poca siensas do la amatos pote ancora ave un rol importante, spesial en la descovre e oserva de fenomenos tempal. La astronomistes amato ia contribui a multe descovres astronomial importante, como la trova de cometas nova.

Istoria

En tempos temprana, la astronomia ia es sola composada de la oserva e la preside de la moves de ojetos vidable a la oios. En alga locas, cultures temprana ia asembla fabricadas masosa cual ta pote ave usa astronomial. En ajunta a sua usas ritual, un elementos importante en conose cuando planta cultivas, como ance comprende la longia de la anio.

Temas relatada

La calendario no pertine direta a astronomia moderna. Ma lo es relatada, car la calendarios es xef construida seguente la moves, evidente o real, de la Sol (la dias) e la Luna (la menses).

Astrolojia es un siensa falsa cual opina ce la move de la corpos sielal influe nosa vives sur la Tera.

Vide ance

• Stela
• Galasia
• Universo
• Buma grande — la comensa de la universo
• Planetas estrasolal
• Biolojia estrateral