Bealtaine

Bealtaine (eres, pronunsiada "beltein") es un festa celtica, ance nomida "dia de maio". Lo aveni tipal a 1 maio, o sirca media la ecuinote de primavera e la solstisio de estate. Istorial, lo ia es selebrada en Er, Scotland, e la isola de Man. Lo es un de la cuatro festas saisonal, con Samhain, Imbolc, e Lunasa, e es simil a Calan Mai en Cimri.

Un foco de joia per la matina de bealtaine, en Edinburgh, Scotland

Bealtaine es notada en alga leteratur eres multe vea e es asosiada con avenis en mitolojia eres. Lo marca la comensa de estate, cuando la boves ia es moveda a la pastos de estate. Rituos ia es performada per proteje la boves, la cultiva, e la popla, e per coraji crese. Focos de joia ia es inisiada, e sua flamas, fumas, e senes ia es videda como avente potias protejente. La festores e sua bestias pasea sirca o entre la focos, e a veses salta tra la flamas. Tota focos de casas es estinguida e reensendeda de la foco grande. Esta congregas ia es acompaniada par un banceta, e alga de la comedas e bevidas es ofreda a la aos si (spiritos e fes). Portes, fenetras, stables per boves, e la bestias mesma es decorada con flores jala de maio. En partes de Er, algas ta construi un "arboreta de maio", tipal un arboreta spinosa o ramo de lo, decorada con flores, sintas, concas briliante, e candelas de juncos. En alga locas, algas ta dansa sirca la arboreta, la orijina de la palo de maio. Posos santa ia es ance visitada. La rosio de la matina de bealtaine ia es crededa como dona belia e manteni jovenia. Multe de esta costumes ia es parte de festas de la dia de maio o festas de estate media en otra partes de Europa.

La festas de bealtaine ia es cuasi estinguida a la media de la sentenio 20, an si alga de sua costumes ia continua e ance es reviveda como avenis cultural. La neopaganes celtica e uicanes ia oserva bealtaine o un festa simil como un selebra relijiosa.