Brun

Brun es un color composada. En la sistem de colores CMYK, cual es usada en primi, brun es creada par combina roja, negra e jala, e en depinta par combina roja, jala, e blu. En la sistem de colores RGB, cual es usada per crea cada de la colores sur un scermo de un televisador o computador, brun es creada par combina roja e verde en proportios spesifada. La color brun es comun en natur: on vide lo en lenio, solo de tera, capeles, color de oios e pigmento de pel de umanas. Brun es la color de lenio oscur e solo de tera fertil. Diseda par sondas de opina publica en Europa e la SUA, brun es la color la min prefereda de la popla; lo es la color la plu asosiada con blandia, la campania, e povria.

Istoria e arte

Istoria antica

Brun ia es usada en arte de la eda preistorial. Depintas creada con tera de ombra, un pigmento natural de arjila cual es composada de osido de fero e osido de manganes, ia es datida a 40 000 aec. Depintas de cavalos brun e otra animales ia es trovada sur la mures de la cava Lascaux; los es datida a sirca 17 300 anios en la pasada. La figures fema en depintas en tombas en Egipte antica ave pel brun cual ia es depintada con tera de ombra. Bronze pal ia es usada comun sur vasos e amforas elinica pintada, como o un fondo per figures negra o figures sur un fondo negra.

La romanes e elinicas antica ia produi un inca rojin brun, de un color nomida sepia, cual ia es creada con la inca de un varia de sepida. Esta inca ia es usada par Leonardo da Vinci, Rafaello Sanzio e otra artistes en la Renase, e par artistes asta aora.

En Roma antica, vestes brun ia es asosiada con la clases basa e con barbares. La terma per persones de la clase basa, o persones urban povre, ia es "pullati", cual sinifia leteral "aceles vestida en brun".

Colores											cambia
Negra	Gris	Blanca	Ros	Purpur	Blu	Azul	Verde	Jala	Orania	Roja	Brun