Azul

Azul es un tinje de blu como la color de la sielo sin nubes en la dia. En la rota de color RGB, "azul" (color #007FFF) es definida como la color a grado 210, pd la tinje entre blu e sian. En la model de colores RGB, cual es usada per crea cada de la colores sur un scermo de un televisador o computador, azul es creada par ajunta un pico de lus verde a lus blu. La color oposada de azul es orania.

En la sistem de colores X11, cual ia deveni normal per colores temprana de ueb, azul es representada como un sian pal.

Etimolojia

La nom de la color azul es derivada de la mineral intensa blu, lapislazuli. Lapis es la parola latina per "roca" e lazuli es la forma jenitiva de la parola latina medieval lazulum, cual es derivada de la parola arabi لازورد lāzaward, cual es derivada de la parola farsi لاژورد lāžaward, cual es la nom de la petra en farsi e ance de un loca de do lo ia es minada.

La nom de la petra ia deveni asosiada con sua color. Cada de la parolas franses azur, la italian azzurro, la polsce lazur, la romanian azur e azuriu, la portuges e espaniol azul, la magiar azúr, la catalan atzur e la engles azure ia es derivada de la nom e color de lapis lazuli.

Distingui entre indigo, azul e sian

Cada colores ueb cual ave un codigo de tinje entre 195 e 225 es tinjes de azul (la codigo de tinje es h en la rota de colores HSV, de engles hue). An tal, la color ueb nomida "azure" (engles per "azul"), es vera un tinje de sian.

Como diseda par la lojica matematical de la rota de colores RGB, colores indigo es colores cual ave codigos de tinje entre 255 e 225, colores azul es colores cual ave codigos de tinje entre 195 e 225, e colores sian es colores cual ave codigos de tinje entre 165 e 195.

Colores											cambia
Negra	Gris	Blanca	Ros	Purpur	Blu	Azul	Verde	Jala	Orania	Roja	Brun