Gris es un color entre negra e blanca. Lo es un color neutra o acromata, pd lo es "sin color". En la sistem de colores RGB, cual es usada per crea cada de la colores sur un scermo de un televisador o computador, gris es creada par combina roja, blu e verde; la varia de intensia sp de esta colores produi tinjes diferente de gris. Lo es la color de un sielo covreda con nubes, o de sene o plomo. Diseda par sondas en Europa e la SUA, gris es la color la plu comun asosiada con neutria, conforma, noia, nonsertia, veia, nondefere e umilia. Sola un persento de la respondores ia eleje lo como sua color favoreda.

En la siensas, natur e tecnolojia edita

Nubes de tempesta edita

La blancia o oscuria de nubes es un funsiona de sua profondia. Nubes peti, peluxetin e blanca en estate apare blanca par causa de la lus de sol, cual es sperdeda par la gotetas de acua en la nubes, e la lus blanca cual veni a la oios de regardores. Cuando nubes deveni plu grande e densa, la lus no plu pote penetra a tra la nubes, e es refleta par la esterna. Nubes apara la plu oscur gris en tempestas lamposa, en cuand los pote es entre 20 000 e 30 000 pedes de altia.

Nubes stratiforme es un strato de nubes cual covre la sielo intera, e ave un profondia de entre alga sentos e alga miles de pedes. La plu densa ce nubes es, la plu oscur los apare de a su, par causa de pico de la lus de sol pote pasa a tra los. De a supra, en un avion, la mesma nubes apare blanca, ma a la tera, la sielo apare oscur e gris.

Grisi de capeles edita

La color de la capeles de un person es creada par la pigmento, melanin, cual es trovada en la cor de cada capela. Melanin es ance la causa de la color de pel e oios. On ave du tipos de pigmentos: oscur (eumelanin) e pal (feomelanin). Esta pigmentos, cuando combinada en combinas diversa, crea tota colores de capeles.

Melanin es la produida de un selula spesiali, melanosite, cual es trovada en cada foliculo de capel, de cual la capel crese. En cuando capeles crese, la melanosite injeta melanin a en la selulas de capel, cual conteni la protena ceratin e cual la capeles, pel e ungias de umanaes es composada de. Tra cuando la melanosites injeta continuante melanin a en la seulolos de capel, la capeles reteni sua color orijinal. An tal, a un eda spesifiada, cual varia per person, la cuantia de melanin cual es injetada es reduida e fini ultima. La capeles, sin pigmento, grisi e blanci ultima. La esplica per esta redui de la produi de melanosites es nonserta. En la publici de Science de 2005, un ecipo de sientistes de Harvard ia proposa ce la causa es ce la melanosites fali manteni la produi de la pigmentos esensal, par causa de veia o fatores jenetical, pos un periodo spesifada de tempo. Per alga persones, la redui ta ariva cuando los es en sua desenio de 20 anios; per otras, multe anios plu tarda. Como diseda par la jornal Scientific American, "Parlante jeneral, entre blancas, 50 persentos es 50 persentos gris cuando los ave 50 anios." Gorilas adulte mas developa pelo gris, ma sola sur sua dorsos.


Colores cambia
Negra Gris Blanca Ros Purpur Blu Azul Verde Jala Orania Roja Brun