Capel

Capeles es filetas de protena cual crese de foliculos en la derma de la pel. Capeles es un marca defininte de mamales. La corpo umana, estra de areas de pel lisa, es covreda en foliculos cual produi capeles delicata (prematur) e capeles densa (matur). La interese comun en capeles es focada a la crese de capeles, la tipos de capeles, e la atende de capeles, ma capeles es ance un biomateria importante xef composada de protena, notable alfa-ceratin.

Un talia traversal de un capel

Un capel de un umana

Disposas a capeles diferente, como stilos e la sutrae de capeles, varia grande tra cultures e periodos istorial, ma es comun usada per indica la credes personal o la rol sosial de un person, como sua eda, seso, o relijio.

Umanas ia developa vestes e otra modos de manteni un temperatur comfortosa, ma la capeles a la testa es xef un fonte de insula de caldia e proteje de radia ultravioleta. La plu de mamales ave capeles supra la plu partes de sua corpo. En ajunta a umanas, elefantes, ipopotamos, rinoseros, setaseos, e alga spesies de porcos e ratas, es marcada par un cuantia peti de capeles. Capeles pote aida en la sensa de moves de aira e la toca par ojetos fisical, e furni consensa de la presente de ectoparasitos. La suprasiles furni un grado de proteje per la oios de susia, sua, e pluve.