Clorofila

Clorofila es cualce de alga pigmentos verde relatada, trovada en sianobaterias e en la cloroplastos de alges e plantas. Sua nom deriva de la parolas elinica chloros (χλωρός, "verde pal") e phyllon (φύλλον, "folia"). Clorofila permete ce plantas asorbe enerjia de lus.

Clorofilas asorbe lus la plu forte en la parte blu de la spetro eletromagnetal e ance en la parte roja. Par contrasta, lo absorbe mal de la partes verde e cuasi-verde de la spetro. Donce, texedas conteninte clorofila pare verde car lus verde, difusante refletada par strutures como mures selulal, es min asorbeda. Du tipos de clorofila esiste en la fotosistemes de plantas verde: clorofila a e b.