Corpo umana
La corpo umana es la strutur intera de la umanas. Lo es composada de multe tipos diferente de selulas cual junta crea texedas e a pos sistemes de organos. Los garantia la omeostase e la viablia de la corpo umana.
Lo es composada de testa, colo, tronco (cual inclui la torax e la adomen), brasos e manos, gamas e pedes.
La studia de la corpo umana envolve la anatomia, fisiolojia, istolojia e embriolojia. La corpo varia anatomial en formas conoseda. La fisiolojia foca en la sistemes e organos de la corpo umana e sua funsionas. Multe sistemes e mecanicismes interata per manteni la omeostase, con niveles secur de sustantias como zucar e osijen en la sangue.
La corpo umana es studiada par fisiolojistes, anatomistes e par artistes per aida los en sua labora.
Composa
edita
La corpo umana es composada de elementos como idrojen, osijen, carbono, calsio e fosfor. Esta elementos abita en triliones de selulas e en composantes nonselulal en la corpo.
Si nos analise la corpo umana a elementos cimical, nos trova la mesuras a su:
(Un person de 70 kg – tota numeros es aprosima)
|
|
|
Selulas
editaLa corpo es composada de triliones de selulas, la unia fundal de vive. En maturia, on ave aprosima 30-37 triliones de selulas en la corpo, un estima de tota la selulas de tota la organos de la corpo. La corpo ance ave la mesma numero de selulas nonumana como ance organismes multiselulal cual es locada en la curso gastrointestinal e en la pel. No tota la partes de la corpo es formida par selulas. La selulas es locada en un matris estraselulal cual es composada de protenas como colajen, ensircada par fluentes estraselulal. DE la 70 kg de pesa de un corpo umana promedia, cuasi 25 kg es selulas nonumana o material nonselulal como osos e texeda juntante.
La selulas en la corpo funsiona par causa de la adn. La adn es locada en la nucleo de la selula. Asi, partes de la adn es copiada e enviada a la corpo de la selula par la arn. La arn es usada per crea protenas cual forma la funda de la selulas, sua ativia e sua produidas. La protenas determina la funsionas de la selulas e sua espresa jenal, un selula pote autoregula par la cuanto de protenas produida. An tal, no tota la selulas ave adn.
Texedas
editaLa corpo es composada de tipos diferente de texedas, definida como selulas cual ata con un funsiona spesifada. La studia de la texedas es nomida istolojia e frecuente aveni con un microscopio. La corpo es composada de cuatro tipos xef de texedas: epitelio, texeda juntante, texeda nerval e texeda musculal.
La selulas cual es locada sur surfases esposada a la mundo esterna o la curso gastrointestinal (epitelio) o la cavetas interna (endotelio) apare en multe formas (de un strato de selulas plata a selulas con silios como capeles en la pulmones, de selulas como colonas en la stomaco. La selulas endotelial es selulas cual alinia cavetas interna incluinte la dutos sangual e la glandes. La selulas interna regula cual porte e no pote pasa tra los, protejente strutures interna e funsiona como surfases sensal.
Organos
editaLa organos, colies struturida de selulas con un funsiona spesifada, es locada en la corpo. Esemplos inclui la cor, pulmones, e figato. Multe organos abita en cavetas en la corpo. Esta cavetas inclui la adomen e la pleura.
Sistemes
edita- Sistem de sirculi: La sistem de sirculi es composada de la cor e la dutos sangual (arterias, venas e capilares). La cor propulsa la sirculi de la sangue, cual servi como un "sistem de transporta" per move osijen, nuri, dejetadas e selulas imune de un parte de la corpo a otra. La sangue es un fluente cual porta selulas en la sirculi, incluinte alga cual move de texeda a dutos sangual e retro, como ance la spleno e la medula de oso.
- Sistem de dijesta: La sistem de dijesta es composada de la boca incluinte la lingua e la dentes, la esofago, la stomaco como ance la figato, la pancreas, la vesica bilal, e la glandes salival. Lo converti la comeda en moleculas nonosiva, nural e peti per distribui e es asorbeda par la corpo.
- Sistem endocrin: Lo es composada de la glandes endocrin xef: la ipofise, la tiroide, la suprarenal, la pancreas, la paratiroide e la gonadas, ma cuasi tota la organos e texedas produi ormones endocrin spesifada. La ormones endocrin servi como siniales de un sistem de la corpo a otra consernante un estende enorme de restrinjes, e resultante en un varia de cambias de funsiona.
- Sistem imunial: La sistem imunial es composada de la selulas de sangue blanca, la timo, la nodas limfal e la canales limfal, cual ance es parte de la sistem limfal. La sistem imunial furni un mecanicisme per ce la corpo ta distingui sua selulas e texedas propre de selulas e sustantias esterna e per neutri o destrui la ultimas usante protenas spesial como anticorpos.
- Sistem de pel: La sistem de pel es composada de la covrente de la corpo (la pel), incluinte la capeles e la ungias como ance otra strutures importante como la glandes de suo e la glandes sebosa. La pel furni conteni, strutur e proteje per otra organos, e servi como un interfas sensal major con la mundo esterna.
- Sistem limfal: La sistem limfal estrae , transporta e metaboli limfa, la fluente trovada entre la selulas. La sistem limfal es simil a la sistem de sirculi en sua strutur e sua funsiona fundal : transporta un fluente corpal.
- Sistem musculosceletal: La sistem musculosceletal es composada de la sceleto umana (cual inclui osos, ligamentos, tendones e cartilaje) e la musculos afisada. Lo dona a la corpo la strutur fundal e la capasia de move. En ajunta a sus rol strutural, la osos plu grande en la corpo conteni medulas de oso, la loca de produi de selulas sangual. Ance, tota la osos es un loca per reserva calsio e fosfato. Esta sistem pote es divideda en la sistem musculal e la sistem sceletal.
- Sistem de nervos: Lo es composada de la sistem de nervos sentral (la serebro e la medula spinal) e la sistem de nervos periferial composada de la nervos e la ganglios estra la serebro e la medula spinal. La serebro es la organo de pensa, emosia, memoria e prosedes sensal, e servi multe aspetas de comunica e controla varia sistemes e funsionas. La sensas spesial es la vide, oia, sensa de sabor e ole. La oios, oreas, lingua e nas reuni informa sur la ambiente de la corpo.
- Sistem de reprodui: La sistem de reprodui es composada de la gonadas e la organos sesal interna e esterna. La sistem de reprodui produi gametas en cada seso, un mecanicisme per sua combina, e en la fem un ambiente curante per la prima nove menses de developa de la enfante.
- Sistem de respira: Lo es composada de la nas, la farinje nasal, la tracea e la pulmones. Lo trae osijen de la aira e escrete diosido de carbono e acua a la aira.
- Sistem urinal: Lo es composada de la renes, la ureter, la vesica e la uretra. Lo sutrae la materias venenosa de la sangue per produi urina, cual porta un varia de moleculas de dejeta e iones de esede e acua estra la corpo.
Anatomia
editaLa anatomia umana es la studio de la forma de la corpo umana. La corpo umana ave cuatro membros (du brasos e du gambas), un testa e un colo cual coneta a la dorso. La forma de la corpo es determinada par un sceleto forte fada de oso e cartilaje, ensircada par gras, musculo, texeda juntante, organos e otra strutures. La dorso ave un colona vertebral flexable cual ensirca la medula spinal, cual es un colie de fibres de nervos liante la serebro a la resta de la corpo.
Bibliografia
edita- Ganong's Review of Medical Physiology. 2016. ISBN 978-0-07-182510-8.
{{cite book}}: Manteni de CS1: data autotraduida (link) - Susan Standring, ed. (2008). Gray's anatomy: the anatomical basis of clinical practice (ed. 40). London: Churchill Livingstone. ISBN 978-0-8089-2371-8.
{{cite book}}: Manteni de CS1: data autotraduida (link)