La dinastia Zhou (xines: 周, Zhōu) ia es un dinastia xines cual segue la dinastia Shang e presede la dinastia Qin. La dinastia Zhou ia dura plu longa ca cualce otra dinastia en la istoria de Xina (790 anios). La controla militar de Xina par la casa real, con la nom familial Ji, ia dura inisial de 1046 a 771 aec per un periodo nomida la Zhou ueste, e la sfera de influe political lo ia crea ia continua en la Zhou este per un otra 500 anios.

Zhou ueste
Zhou este
Kongzi presente Gautama Buda, como un enfante, a Laozi

En la dinastia Zhou, potia sentrida ia descrese tra la periodo de primavera e autono asta la periodo de statos gerante en la du sentenios final de la dinastia. En esta periodo, la corte Zhou ia ave minima controla sur sua statos composante cual ia es gerante con lunlotra otra cuando la stato Qin ia solidi potia e formi la dinastia Qin en 221 aec. La dinastia Zhou ia cade sola 35 anios plu temprana, an si la dinastia ia ave sola la potia de sua nom a acel punto.

Esta periodo de istoria xines ia produi lo cual multe vide como la culmina de la fabrica de bronze. La dinastia Zhou ia estende ance la periodo en cual la scrive ia evolui en sua forma cuasi moderna con la usa de un scrive antica de ofisiores cual ia emerji en la periodo de statos gerante tarda.

La autoria de sielo edita

Renores Zhou ia introdui cual ia deveni un de la prinsipes political la plu durante de Asia este: la conseta de la "autoria de sielo". Los ia fa esta par declara ce sua superioria moral justi prende la ricias e teritorios de la Shang, e ce sielo ia pone un autoria moral sur los per repone la Shang e redona bon governa a la popla.

La autoria de sielo ia es presentada como un acorda relijiosa entre la popla de Zhou e sua dio suprema en sielo (pd leteral de "dio de sielo"). La Zhou ia acorda ce, car casos mundal ia es suposada como alinia con los de la sielo, la sielo dona potia legal sola a un person, la renor Zhou. Per esta, la renor ia es encargada con manteni la prinsipes de sielo de armonia e onora. Cualce renor ci ia fali en esta encarga, ci ia permete nonstablia entra en casos mundal, o ci ia permete ce sua popla sufri, ta perde la autoria de sielo. Su esta sistem, la autoria spirital ia pote eleje sutrae suporta de cualce renor deviante e trova un otra plu meritante. En esta modo, la dio de sielo de la Zhou ia legi la cambia de renas.

Filosofia edita

En la dinastia Zhou, la orijinas de filosofia nativa xines ia developa, sua fases inisial de developa comensante en la sentenio 6 aec. La filosofistes la plu grande de Xina, los ci ia ave la efeto la plu grande sur jeneras xines plu tarda, ia es Kongzi, la fundor de confuzisme, e Laozi, la fundor de dauisme. Otra filosofistes, teoristes, e scolas de pensa en esta eda ia es Mozi, fundor de Moisme, Mengzi, un confuziste ci ia estende la lega de Kongzi, Shang Yang e Han Fei, cual ia developada la legalisme xines (la filosofia sentral de la dinastia Qin), e Xun Zi, ci ia es a la sentro de la vive de la inteleto de Xina antica en sua eda.