Divines de la Rigveda

Indra

On ave un mil imnos en la Rigveda, la plu de cual es dedicada a un divin spesifada. La plu importante es Indra, un dio eroica, mator de Vritra e destuor de la Vala, libror de la boves e la rios; Agni, la foco de sacrifia e mesajor de la dios; e Soma, la bevida ritual dedicada a Indra. Grupos clamada en la Rigveda es la Vishvedevas (la "dios tota"), la Marutes (dios violente de tempestos), e la Ashvines (la cavalores jemelo).

On ave du grupos major de dios: la Devas e la Asuras. En la Rigveda, la Asuras no es ja demonida, e Mitra e Varuna es sua membros la plu importante. Adita es la madre de Agni e de la Asuras, gidada par Mitra e Varuna, e incluinte Aryman, Bhaga, Ansa, e Daksha.

Surya es la personi de la Sol, ma Savitr, Vivasvant, la Ashvines e la Rbhus, fabricores semidivin, ance ave aspetas de divines solal. Otra fenomenos natural divinida inclui Vayu (la venta), Dyaus e Prithivi (sielo e tera), Ushas (la leva de la sol) e Apas (la acuas). La nom Dyaus es relatada a latina Deus, etc.

Rios ave un rol importante en la Rigveda, divinida como divas, con la plu importante, la Sapta Sindhi (sete rios de la Rio Indo) e la Rio Sarasvati.

Yama es la nom de la asendente prima, adorada como un dio, e es ance la dio de la mundo suteran e de moria.

Vishnu e Rudra, la dios plu importante de induisme plu tarde (con Rudra un forma temprana de Shiva) es presente en la Rigveda, ma como dios marjinal.

La nomes de Indra, Mitra, Varuna, e la Nasatyas ia es trovada en un trata de la Mitani de Asia sude-ueste, cual sujeste ce la relijio de la Mitanis ia es multe prosima a lo de la Rigveda.

Esta lista de divines de la Rigveda es ordinada par la cuantia de imnos dedicada. Asente es la divines notada sola un ves:

  • Indra 289
  • Agni (Foco) 218
  • Soma 123 (la plu en la Soma Mandala)
  • Ishwara (la dio suprema) 118
  • La Asvines 56
  • Varuna (la mar) 46 [1]
  • La Marutes 38
  • Mitra 28
  • Ushas 21
  • Vayu (venta) 12
  • Savitr 11
  • La Rbhus 11
  • Pushan 10
  • La Apris 9
  • Brhaspati 8
  • Surya (sol) 8
  • Dyaus e Prithivi (sielo e tera) 6
  • Apas (Acuas) 6
  • Adityas 6
  • Vishnu 6
  • Brahmanaspati 6
  • Rudra 5
  • Dadhikras 4
  • Sarasvati 3
  • Yama
  • Parjanya (pluve) 3
  • Vāc (parla) 2
  • Vastospati 2
  • Vishvakarman 2
  • Manyu 2
  • Kapinjala (la pardis, un forma de Indra) 2