Odin e la volve (previdor), de la Voluspa

La Edda poesial es la atribui moderna per un colie nonomida de poesias anonim en norsce vea. Lo es diferente de la Edda prosal, scriveda par Snorri Sturluson. Alga varias esiste, tota xef de testo de la manoscrito medieval islansce nomida la Codex Regius. La Codex Regius es probable la fonte la plu importante de mitolojia norsce antica e lejendas de eroes germanica. De la sentenio 19 temprana a aora, lo ia ave un influe potiosa sur leteratur scandinavian plu tarda. Lo es ance un model inspirante per multe inovas en metre poesial, spesial en la linguas nordica, e lo ofre multe esemplos variosa de scemas de metre brusca fundida sur asentua cual no posese un rima final ma usa en loca modos aleterosa e imajes forte consentrada. Poesistes ci ia atesta sua debe a la Codex Regius inclui Vilhelm Ekelund, August Strindbert, J. R. R. Tolkien, Ezra Pound, Jorge Luis Borges, e Karin Boye.

La Codex Regius ia es scriveda en la sentenio 13, ma no cosa ia es conoseda de sua loca asta 1643, cuando lo ia es trovada par Brynjolfur Sveinsson, alora la Bispo de Skalholt, A la tempo, varias de la Edda ia es conoseda en Island, ma studiantes ia divina ce, a un ves, on ave un otra Edda, un Edda plu vea, cual ia conteni la poesias pagan cual Snorri ia nota en sua Edda prosal.

Brynjolfur ia atribui la manoscrito a Saemund la erudita, un prete estravagante de Island en la sentenio 12. Esta atribui es rejetada par studiantes moderna, ma la nom Edda Saemundar es ancora asosiada con la Codex Regius e varias de la Edda poesial cual usa lo como un fonte. Bispo Brynjolfur ia envia la Codex Regius como un donada a la re de Danmarc, cual esplica la nom. Per sentenios, lo ia es conservada en la Biblioteca Real en Kobenhavn, ma en 1971, lo ia es redonada a Island.

A su es un lista de la poesias e baladas (etc) en la Edda poesial. Nota ce la nomes orijinal (a sinistra) usa la spele orijinal en norsce vea. Per sua formas elefen, si no indicada a destra, vide la instruis per transcrive en Dios e divas norsce (lista).

Poesias mitolojialEdita

En la Codex RegiusEdita

  • Völuspá (La previde de la fem saja)
  • Hávamál (La balada de la Alta)
  • Vafþrúðnismál (La balada of Vaftrudnir)
  • Grímnismál (La balada de Grimnir)
  • Skírnismál (La balada de Skirnir)
  • Hárbarðsljóð (La poesia de Harbard)
  • Hymiskviða (La poesia de Hymir)
  • Lokasenna (La disputa de Loki)
  • Þrymskviða (La poesia de Trym,)
  • Völundarkviða (La poesia de Volund)
  • Alvíssmál (La balada de Alvis)

No en la Codex RegiusEdita

  • Baldrs draumar (La sonias de Balder)
  • Gróttasöngr (La canta de Grotti)
  • Rígsþula (La canta de Rig)
  • Hyndluljóð (La poesia de Hyndla)
    • Völuspá in skamma (la Voluspa corta, a veses incluida en la Hyndluljod)
  • Svipdagsmál (La balada de Svipdag, esta titulo inclui du poesias, cual es obras tarda e no incluida en la plu de editas pos 1950)
    • Grógaldr (La encanta de Groa)
    • Fjölsvinnsmál (La balada de Fiolsvid)
  • Hrafnagaldr Óðins (La canta de la corvon de Odin, un obra tarda no incluida en la plu de editas pos 1950)
  • Gullkársljóð (La poesia de Gullkar, un obra tarda no incluida en la plu de editas pos 1900).

La baladas de eroesEdita

Pos la poesias mitolojial, la Codex Regius continua con baladas de eroes mortal. Los es divideda entre tre stratos: la nara de Helgi Hundingsbani, la nara de la Niflunges, e la nara de Jormundrekk, re de la Gotos. Lo es probable ce Attila, Jormundrekk, e Brynhild ia esiste, ma la cronolojia en la poesias es reversada.

En la Codex RegiusEdita

La baladas de Helgi

  • Helgakviða Hundingsbana I o Völsungakviða (La poesia prima de Helgi Hundingsbane)
  • Helgakviða Hjörvarðssonar (La poesia de Helgi Hiorvardsson)
  • Helgakviða Hundingsbana II o Völsungakviða in forna (La poesia du de Helgi Hundingsbane)

La sicle de Niflung

  • Frá dauða Sinfjötla (De la mori de Sinfiotli, un testo prosal corta)
  • Grípisspá (La predise de Gripir)
  • Reginsmál (La balada de Regin)
  • Fáfnismál (La balada de Fafnir)
  • Sigrdrífumál (La balada de Sigrdrifa)
  • Brot af Sigurðarkviðu (La sposa nova de Sigurd, un peso de un poesia sur Sigurd)
  • Guðrúnarkviða I (La poesia prima de Gudrun)
  • Sigurðarkviða hin skamma (La poesia corta de Sigurd)
  • Helreið Brynhildar (La viaja a Hel de Brynhild)
  • Dráp Niflunga (La mata de la Niflunges)
  • Guðrúnarkviða II (La poesia du de Gudrun)
  • Guðrúnarkviða III (La poesia tre de Gudrun)
  • Oddrúnargrátr (La lamenta de Oddrun)
  • Atlakviða (La poesia de Atli)
  • Atlamál hin groenlenzku (La balada de Gronland de Atli)

La baladas de Jörmunrekkr

  • Guðrúnarhvöt (La lamenta de Gudrun)
  • Hamðismál (La balada de Hamdir)

No en la Codex RegiusEdita

Alga de la sagas lejendal conteni poesia en la stilo de la Eddas. Sua eda e importa es frecuente difisil per valua, ma la saga de Hervarar, spesial, conteni interpolas interesente.

  • Hlöðskviða (Poesia de Hlod, acc la batalia de la goto e la hunes, estraeda de la saga de Hervarar extracted from Hervarar saga.
  • La velia de Angantýr (estraeda de la saga de Hervarar)