Abri la menu xef
Eneida
Aeneis
Autor: Vergilio
Pais: Impero Roman
Lingua: Latina

Eneida (latina: Aeneis) es un poesia epica scriveda par Vergilio de 29 a 19 aec, cual nara la istoria de Eneas, un om de Troia ci ia viaja a Italia, do el ia deveni la asendente de la romanes. La

La eroe Eneas ia es conoseda par la elinicas e la romanes, esente un carater de la Iliada. Vergilio ia prende la naras descomutada de la vagante Eneas, se asosia neblosa con la funda de Roma e un caracter de cualias no fisadas estra un grande pietas, e ia crea un mito fundal o epica nasional cual ia uni Roma con la lejendas de Troja, ia esplica la Geras Punica, ia dona gloria a la virtuas tradisional roman e ia legali la dinastia de Julio e Claudio como desendentes de la fundores, eroes e dios de Roma e Troia.

Contenida

ResomaEdita

Resoma

  1. La diva Juno, enemin de la romanes, provoca un tempesta e la naves de Enea debe desembarca en Cartago do, con la aida de sua madre Venus, es bonvenida par la rea Dido, a ci nara sua aventuras.
  2. Nara de la aventuras de Enea: Troia ia es concistada par la aceanes e Enea ia debe fuji con sua padre Ancise e sua fio Ascanio junta a otra acompaniores per xerca un pais propre nova.
  3. Continua la nara de Enea: la viaja, la encontras, la predises, la mori de Ancise en Sislia e la ariva a Cartago.
  4. Dido es enamada de Enea e, abandonada par la eroe, el ia suiside predisente la odia eterna entre Cartago e la desendentes de Enea.
  5. Enea e sua acompaniores desembarca en Sisilia, do fa juas funeral en onora a Ancise. La eroe recomensa sua viaja.
  6. Enea ariva a Cumas, do es gidada par la Sibila a la rena de la morida. Ala parla con sua padre, ci revela sua futur e la de sua popla, de ci ta desende Augusto.
  7. Eneas ariva a Lazio do la re Latino bonveni el, reconose a la eroe e ofre sua fia Lavinia per sposi, ci ia es prometeda con Turno, re de la rutulos. Juno fa comensa un gera entre la Enea e Turno.
  8. Enea naviga la Tiber per trova aliadas e parla con la re Evandro, sua fio Palante e alga xefes etrusca. La dio Vulcano crea un scermo con la momentos plu importante de la istoria de Roma.
  9. En cuando Enea es en sua viaja tra la Tiber, la campa roman es atacada par Turno, Niso e Eurialo, acompaniores de Enea, mori.
  10. Enea reveni a la campa e cambia la fortuna de la batalia, Turno mata a Palante e Enea, venjante el, mata a Mezencio, aliada de Turno.
  11. Enea plora la mori de Palante, en cuando la gera segue e Camila, un xica geror multe importante en la armada de Turno, ia es matada.

StruturEdita

La Eneida ave 12 libros: la ses prima es como la Odisea e la ses du es como la Iliada.

Libro 1Edita

Juno, conosente la destina gloriosa cual ta veni a la troianes (ci ta funda la Impero Roma), intende impedi los de ariva a Italia. Afin esta aveni, Juno demanda a Eolo ce el causa ce los ta afonda. Per esta favore, Juno ofre un nimfa como un sposa per Eolo. Eolo aseta esta e fa ce la troianes es sperdeda tra la mar. Netun vide la ata de Eolo como un insulta, car la mar es sua propre impero. Alora, el aida la troianes a ariva a la plaias de Libia, ma los ariva en du grupos. Entretempo, Venus, madre de Eneas, desemblante como un virjin de Sparta, informa la troianes ce los es en la pais de la reina Dido. La sposo de Dido, Sicueo, ia es asasinada par sua frato Pigmalion, e alora Dido ia fuji e ia fundi un site en esta pais cual el ia compra. Eneas dirije se a la site e, cuando el ariva, el vide la cameradas cual el ia perde. Los ia ariva ance a esta costas e ia demanda ce Dido aida per trova Eneas. Alora, el presenta se e Dido bonveni los. Venus, con la intende ce Dido ta favore Eneas, demanda a sua fio Cupido ce el causa ce Dido deveni enamada par Eneas. El fa esta, e Dido demanda ce Eneas nara sua mal fortunas.

Libro 2Edita

La libros 2 e 3 es relata dentro de la relata. Eneas, nara la cade e la saca de Troia (libro 2) e la mal fortuna de el e sua popla de esta aveni (libro 3). La troian nara la avenis pos la fin de la Iliada. Esta nara comensa con la episodio de la cavalo: Odiseo, junta a otra soldatos elinica, ia asconde se en la cavalo de lenio e entretempo, la resta de la soldatos elinica asconde se en la isola de Tenedos, fronte a Troia, La troines, iniorante la engana, comprende ce la elinicas ia fuji e fa entra la cavalo en la site. Los ia pensa ce es un ofre a la deos contra ce la avertis de Laocoonte, ci a mori junta a sua du fios. Durante la note, Odiseo e sua omes sorti de la cavalo e abre la portas de la site per ce entra la otra elinicas e totas ia vinse a la troianos e arde la site. Durante la ataca, Hector apare en la suenios de Eneas, e anunsia a el la cada de Troia e manda a el salva la Penates e fuji.

La ruido de la lutas ia fa velia Eneas ci, vidente sua site ardente, deside luta con la troianes asta mori. El ia vade a la palasio de Priamo e vide la mori de sua fio Polites, par Pirro, ci a pos destesti Priamo.

A pos el ia trova Helena e furiate, ia deside puni el per es la causa de la gera ma Venus, sua madre, apare e manda freni a el: la culpores de la gera es la deos, no Helena. A pos, Venus manda a Eneas busca sua familia e la Penates. Eneas trova sua padre Ancises e sua fio Ascanio. Los ia fuji de la site ardente. Eneas ia reveni a Troia per busca sua fem Creusa, ci ia mori e apare a el disente ce sua destina es fundi la site de Roma. Eneas reveni con la suas estra Troia e prepara se per sorti.

Libro 3Edita

Eneas ia fuji a la site de la tracies, ci ia es sua amicos. Desembarcante ala, Eneas ia vole fundi la site nova en esta tera. Per ensende un foco per sacrifia, los ia colie ramos de arboreta e estas ia comensa sangui. Eneas es fronte a la tumulo de Polidoro, e la ramos es la lansas cual ia usa Polimestor per mata el. Un vose resona a interna de la tumulo: es la ombra de Polidoro ce ia averti a la troianes ce la re de la Thraces favore la elinicas. La viajores ia deside abandona esa loca contaminada.

Eneas e sua popla vade alora a la corte de la re Anio, en Delos.

Libro 4Edita

La rea Dido, con la aida de Cupido, deveni enamada par Enea e conta sua sentis a sua sore Ana. Sua sore recomenda el lasa flue acel ama, ma el ancora recorda sua spos morida Siceo. Cuando Juno ia reali es, el alia se con Venus afin Enea enama se ance de el. Sua ojeto es ce Enea resta ala per sempre. Venus aseta. Cuando Enea e Dido sorti xasa, on ave un pluve e los asconde se en un cava do los ia fa la ama. Esta ariva a Jupiter e, temente ce Enea para la viaja, envia Mercurio per recorda el ce sua destina es fundi Roma.

Libro 5Edita

Pos escapa de la tempesta, Eneas e sua acompaniores ia desembarca en Sisilia, do Aceste es re, troian de orijina e do Ancise, la padre d eEnea ci ia mori un anio ante, es interada. Eneas organiza un seremonia ritual e juas funeral. La nara de la provas ocupa un bon parte de la libro.

Ma Juno, enemi de Enea, instrui Iris per esplota la fatiga de femes. Esta apare a los en forma de mortal e, lamentante la longa anios de vaga, lo provoca los arde la barcones per forsa la omes abita en Sisilia. La interveni de Jupiter, cual causa pluve, salva la plu parte de la flotila.

Un acompanior de Enea, inspirada par Pala, sujesta lasa la plu debil en Sisilia e vade a Latium con sua gerores. Ancise apare a Enea, apoiante sua consela e demanda el vade visita la Sibila de Cumas ci va lasa el entre en la enferno afin los pote parla. Enea vade a Cumas su la proteje de Netuno, la pilote Palinoro mori per paia la proteje de totas.

Libro 6Edita

La desende a Enfernos es un de la partes plu conoseda de la epica. Lo es un viaja do Enea, gidada par la sibila, descovre la pais de la moris, ma ance sua propre desendentes.

Enea, cuando ariva a Cumas, vade do la sibila. El confirma ce el va ateni sua ojeto pos multe probas e geras. El demanda a la sibila aida per entra en la Enfernos per reuni con sua padre Ancise. El vide varia rejiones de la Enfernos asta ariva a la Campos Elisean, do los trova Ancise, ci mostra a Enea sua desendentes futur: la res de Alba Longa, Romulo (fundor de Roma), sua seguentes, Bruto la Antica, Pompeio, Julio Cesar e Augusto, ci ta ateni un Impero rica e pasosa. Enea reveni a la surfas de la tera e continua sua dirije a Latium.

Lia esternaEdita