Franco (lingua)
La lingua franco (nomida, par la francos, Frenkisk) ia es la lingua germanica ueste parlada par la francos entre la sentenios cuatro e oto. La lingua mesma no es multe atestada, ma lo ia resulta en multe parolas adotada en franses vea. Nederlandes vea es la nom for la dialetos vea de franco parlada en la paises basa, incluinte Beljia, Nederland, e partes ueste de Deutxland moderne, asta sirca la sentenio 12 cuando lo evolui a nederlandes media.
Entre la periodo merovian, franco ia ave un influe importante a la linguas romanica cual alora ta sustitui lo pos cuando los ia evolui de la lingua latina cual ia es introduida a Galia par la romanes. Esta resulta en multe parolas e nomes de locas en franses, incluinte la nom Frans, ave un fonte en la lingua franco. Entre la sentenios sinco e nove, la linguas parlada par la francos de la Reno basa ia evolui a nederlandes vea (o franco basa vea), en cuando en Picardia e Ile-de-France lo ia es ultima sustituida par franses vea (la pasa ultima de latina en sua evolui a franses).
La lingua franco como parlada ante la periodo de Carlos la grande es per la plu parte reconstruida de la nederlandes vea como rejistrada en la sentenios ses a 12, e de la parolas emprestada en franses vea. Un eseta notable es la enscrive Bergakker, cual representa posible la rejistra xef de franco de la sentenio sinco.