Impero Galian
La Impero Galian (latina: Imperium Galliarum) ia es un parte rebelante de la Impero Roman durante la [[Crise de la Sentenio Tre, cual ia funsiona como un stato separada de 260 a 274 ec.
La Crise de sentenio tre ia continua cuando la imperor Valerian ia es vinseda e caturada par la Impero Sasanan de Persia en la Batalia de Edessa, con un parte grande de la armada a campania en la este. Galieno, la fio de Valerian, ia resta con un controla debil. Prosima pos lo, la Impero Palmiran, cual ia inclui ultima Egipte, Suria, Judea, e Arabia Petrea, ia separa ance.
La governores en Pannonia ia rebela ance, ma sin susede. La imperor departe per la rio Danubio per atende la disturba. Esta situa ia resulta con Postumo, governor de Germania Superior e Inferior, cargada con proteje la borda a la rio Reno contra un invade par la francos en la estate de 260 ec.
El ia defeta la francos a Empel tan susedosa ce no plu atacas par germanicas ia aveni per 10 anios. Esta ia resulta en Postumo deveni un de la omes la plu potiosa en la impero en la ueste. La Impero Galian ia es instituida par Postumo en 260 e ia inclui la teritorios de Germania, Galia, Britania, e (per un tempo corta) Hispania.
Pos la asasina de Postumo en 268, la Impero Galian ia perde la parte la plu grande de sua teritorio, ma continua su un cuantia de imperores e usurpores. Lo ia es reprende par la Imperor Roman Aurelian pos la Batalia de Chalons en 274.