Istoria de Italia
Italia ave un de la istorias la plu rica e antica de la mundo. Relatada con la cultura ueste, con la istoria de Europa e de la sivilias de la Mediteraneo, lo inclui alga de la avenis istorial xef de la mundo ueste.
Italia ia erita de cultures antica como los de la etruscas e la latinas, ia es un loca de colonias de orijina elinica, celta e punica, e ia es la cuna de alga fenomenos cual ia marca la cultura ueste como la Impero Roman e la papia.
En la eda medieval, Italia ia es permanente divideda en un mosaica de sites-statos cual ia combate entre los per la domina de la Mediteraneo, con intervenis frecuente par la Eglesa Catolica e otra potias. Sua locas stratejial ia fa ce lo ia deveni la clave de la comersia european, e esta ia favore la republicas maral. La potia spirital de la pape, de ci sua seja es en Roma, ia produi efetos spesial en Italia.
Eda medieval
editaLa governa de Odoacre ia fini cuando la ostrogotos, su la gida de Teodorico, ia concista Italia. Esta ia gida a la gera goto contra la armada de la imperor bizantian Justiniano, cual ia ruina tota la pais con famion e epidemicas, ultima lasante un otra tribu germanica, la langobardas, a controla rejiones enorme de Italia. En 751 la langobardas ia saisi Ravenna, fininte la presentia bizantian en Italia sentral. Fasante un nova ataca pa la langobardas, la papia ia solisita aida de la francos.
En 756 la francos ia defeta la langobardas e ia dona a la papia la autoria legal su la sentro de Italia, tal establinte la Statos Papal. En 800, Carlo la Grande ia es coronida como imperor de la Impero Roman Santa par la Pape en la Basilica de San Petro. Pos la mori de Carlo la Grande (814), la impero nova ia desintegra pronto su sua seguores debil. Como resulta, on ia ave un vacua de potia en Italia. Esta ia coaveni con la alti de islam en la Penisola Arabi, Africa norde e Asia sude-este.
Renase
editaItalia ia es la sentro de la Renase, de cual sua floris de arciteta, leteratur, siensa, istoriografia e teoria political ia influe tota de Europa.
Eda moderna
editaLa istoria de Italia en la eda moderna ia es marcada par un domina stranjer e un declina economial.