Asi la article sur medica. La categoria Medica conteni plu articles sur medica.

Medica es la siensa e pratica de la diagnose, trata e preveni de maladias. La medica ensirca un varia de praticas de aida medical con la ojeto de manteni e restora la sania per la preveni e la trata de maladia. La medica contempora aplica la biomedica, rexerca biomedical, jenetica e tecnolojia medical per diagnose, trata e preveni feri e maladia, tipal per medisines o sirurjia, ma ance per terapias tan diversa como psicoterapia, agetas esterna e aparatos medical, entre otras.

Statua de Asclepio, la deo elinica de medica, teninte la Bara de Asclepio.

Etimolojia edita

La parola "medica" en Lingua franca nova veni de la latina medicus, cual sinifia "dotor medical, mediciste".

Ramos edita

Siensias fundal edita

  • Anatomia es la studia de la strutur fisical de la organismes. Lo contrasta con sitolojia e istolojia, cual conserna strutures microscopial.
  • Biocimica es la studia de cimica aveninte en organismes vivente, spesial la strutur e funsiona de sua composantes cimical.
  • Biofisica es la siensa de la pertine de leges fisical a cosas biolojial
  • Biomecanica es la siensa de pertine de leges mecanical a la move o strutur de organismes
  • Biometria es la aplica de analise statistical a datos biolojial
  • Dermatolojia es la ramo de medica cual studia la diagnose e trata de maladias de pel.
  • Endocrinolojia es la ramo de fisiolojia e medica cual studia la glandes endocrin e ormones
  • Epidemiolojia es la siensa de epidemicas.
  • Farmacolojia es la ramo de medica cual studia la usas e efetos de drogas.
  • Fisiolojia es la ramo de biolojia cual studia la funsiona normal de organismes e sua partes.
  • Jenetica es la studia de erita e la varia de cualias eritada.
  • Imunolojia es la ramo de medica e biolojia cual studia imunia.
  • Istolojia es la studia de la strutur microscopial de texedas.
  • Microbiolojia es la ramo de siensa cual studia microbios.
  • Neurosiensa es la ramo de siensa cual studia la strutur e funsiona de la sistem de nervos e la serebro.
  • Sitolojia es la ramo de biolojia cual studia selulas.
  • Toxicolojia es la siensa cual studia la natur, efetos e deteta de venenas.

Spesialis edita

En la sinifia plu larga de "medica" on ave multe spesialis diferente. La developa de un spesiali es frecuente gidada par tecnolojia nova (como la developa de anestesentes produosa) o formas de labora (como la departes de crise). La spesiali nova gida en la crea de un corpo uninte de dotores e la prestijia de ave sua esamina propre.

En sirculos medical, spesialis usual ajusta a un de du categorias plu grande: "medica" e "sirurjia". "Medica" refere a la pratica de medica nonsirurjial, e la plu parte de la suspesialis nesesa instrui inisial en Medica Interna. Aora, alga spesialis de medica no ajusta a un de esta categorias, como radiolojia, patolojia o anestesia. La plu parte ia rami de un campo u otra supra.

  • Spesiali sirurjial
  • Spesiali interna: anjiolojia, cardiolojia, ematolojia, endocrinolojia, epatolojia, gastroenterolojia, jeriatria, nefrolojia, neurolojia, reumatolojia
  • Otra spesialis xef: anestesiolojia, dermatolojia, medica familial, neurolojia, oftalmolojia, pediatria, psiciatria.

Vide ance edita

Lias esterna edita